Aktualitet

Tentoi të vriste bashkëatdhetarin në Itali, arrestohet 25-vjeçari shqiptar në Spanjë

Arrestimi i të riut shqiptar, emri i të cilit ende nuk bëhet i ditur, u bë në një qytet rreth 70 kilometra larg Barcelonës, pranë Tarragonës, ku 25-vjeçari ishte strehuar pothuajse menjëherë në shtëpinë e miqve pas krimit të përgjakshëm që ndodhi në Carmignano.

26 Janar 2023, 09:11 Nga I.A
Tentoi të vriste bashkëatdhetarin në Itali, arrestohet
Karabinieret

SPANJË- Një 25-vjeçar shqiptar u arrestua në Spanjë me akuzën e tentativës për të vrarë një bashkatdhetar 18-vjeçar tetorin e kaluar në Carmignano. Arrestimi i të riut shqiptar, emri i të cilit ende nuk bëhet i ditur, u bë në një qytet rreth 70 kilometra larg Barcelonës, pranë Tarragonës, ku 25-vjeçari ishte strehuar pothuajse menjëherë në shtëpinë e miqve pas krimit të përgjakshëm që ndodhi në Carmignano.

Goditja me thikë që rrezikoi t'i kushtonte jetën tetëmbëdhjetë vjeçarit ndodhi pasditen e vonë të 9 tetorit në kopshtet e via Bicchi, pranë qendrës së Carmignano. Këtu të riut i është bashkuar edhe sulmuesi i tij i cili e ka goditur me thikë në bark. 18-vjeçari ka arritur të tërhiqet zvarrë në shtëpinë e parë dhe të thërrasë për ndihmë. 

25-vjeçari shqiptar ishte dyshuar menjëherë, por kishte mbetur i pagjurmuar. Karabinierët ndoqën lëvizjet e tij deri në Katalonjë dhe ia komunikuan pozicionin e tij të mundshëm kolegëve spanjollë, të cilët ditët e fundit e kanë vënë në gjurmë dhe e kanë arrestuar në El Vendrell, duke i dhënë një urdhër arresti evropian. Së shpejti ai mund të ekstradohet në Itali për t'iu përgjigjur akuzave për tentativë vrasje.

arrestohet shqiptari ne spanje

Sondazh

Poll

MË SHUMË