Politike

21 Janari/ Berisha: SHBA kërkoi hetim për dhunën. Rama, hiq imunitetin, dëshmo për puçin

Berisha tha se organizatori i dhunës, Edi Rama nuk shkoi kurrë për të dëshmuar.

23 Janar 2023, 11:45 Nga f.g
21 Janari/ Berisha: SHBA kërkoi hetim për dhunën. Rama, hiq
Sali Berisha, kryeminister

TIRANE- Kryetari i Partisë Demokratike, Sali Berisha, ish-kryeministër në kohën që ndodhi vrasja e 4 protestuesve më 21 janar 2011, deklaroi sot, 12 vite pas ngjarjes se ndërkombëtarët kanë kërkuar hetimin e dhunës në protestë. Berisha tha se organizatori i dhunës, Edi Rama nuk shkoi kurrë për të dëshmuar. Këtij të fundit, ai i bëri thirrje të dorëzojë imunitetin dhe të dëshmojë për "puçin", siç e quan Berisha 21 janarin. 

Deklarata e Berishës: 

Komuniteti ndërkombëtar dhe në veçanti SHBA, ka hetuar me të madhe që të hetohen organizatorët dhe autorët e dhunës.
Edi Rama është personi kryesor, organizator i dhunës. Edi Rama nuk gjeti kurrë kurajo të paraqitej në prokurori, ndonëse u thirr për të dëshmuar.
Edi Ramën do e ndjekë gjithë jetën përgjegjësia penale për organizimin e asaj dhune.
Ai është faktuar si organizator në mënyrën më të pakundërshtueshme. Pjesa e gardistëve është hetuar nga një kundërshtare e egër e Sali Berishës. Është hetuar me një prani të rëndësishme ndërkombëtare. Dhe janë dhënë dënimet e njohura deri më tani.
Por, meqenëse shërbehet me krijime të Ardi Veliut, i them lëri ato, hajde, hiq imunitetin se unë nuk kam imunitet për asgjë, dhe shko dëshmo për organizimin e puçit.
I solli si mish për top. Natyrisht, ngjarja është tragjike. Atëherë dhe sot, familjarët kanë ngushëllimet e mia.
Por manipulimi që bën Edi Rama për njerëzit që përdori si mish për top se donte të vinte në pushtet, është makabritet.

Deklarata e Berishës vjen 2 ditë pas përkujtimit të 21 Janarit 2011. Por çfarë ndodhi atë ditë?  Më 21 janar 2011, në një protestë të organizuar nga Partia Socialiste, asokohe në opozitë, u vranë nga Garda e Republikës 4 protestuesit Ziver Veizi, Faik Myrtaj dhe Hekuran Deda dhe Aleks Nika. Kryeministri i kohës, Sali Berisha deklaroi se opozita kishte përgatitur një "grusht shteti" për të rrëzuar qeverinë, ndërsa opozita akuzoi qeverinë se vrau 4 qytetarë të pafajshëm. Në hetimin që u bë për vrasjen e protestuesve, të pandehur u morën Ndrea Prendi dhe Agim Llupo, ndërsa gjykata vlerësoi me vendim se vrasjet kanë ndodhur nga pakujdesia. Të dy të pandehurit u dënuan, ish-komandanti i Gardës, Ndrea Prendi me 1 vit ndërsa gardisti Agim Llupo me 3 vite burg. Por një publikim i ri ka dalë në dritë 12 vite pas ngjarjes. Gazetari Artan Hoxha publikoi audiopërgjimet e shërbimeve të huaja ku zbardhet urdhëri i marrë për të hapur zjarr ndaj protestuesve./Dosja.al

edi rama hetimet per 21 janarin sali berisha

Sondazh

Poll

MË SHUMË