Aktualitet

U mbyt në lum se s'kishte urë? Policia: 55-vjeçarja vuante nga depresioni, kishte paralajmëruar bashkëshortin se do vetëvritej

Sipas policisë, Sh.Ll., prej disa kohësh kishte shfaqur shenja depresioni, dhe në vazhdimësi ishte shprehur se do të mbytej në lumë.

22 Janar 2023, 18:34 Nga F.M
U mbyt në lum se s'kishte urë? Policia: 55-vjeçarja vuante
Foto Ilustruese

SKRAPAR- Policia ka dalë me njoftim zyrtar lidhur me gruan që është gjetur e mbytur në ujërat e lumit në Rehovë. Pas kërkesës së bërë nga Dosja.al, në njoftimin e policisë bëhet me dije se gruaja është vetëvrarë dhe se këtë gjë e kishte paralajmëruar, duke ia rrëfyer edhe bashkëshortit. Denoncimi për zhdukjen e saj është bërë nga bashkëshorti ë datë 21 dhe trupi i pajetë i 55-vjeçares është nxjerrë nga uji. Sipas policisë, Sh.Ll., prej disa kohësh kishte shfaqur shenja depresioni, dhe në vazhdimësi ishte shprehur se do të mbytej në lumë. Në një postim në rrjetet sociale, kryedemokrati Sali Berisha dhe krei i Partisë së Lirisë Ilir Meta shkruanin se gruaja në fjalë ishte mbytur aksidentalisht teksa kalonte lumin me këmbë, në mungesë të një ure dhe fajësonin institucionet për këtë ngjarje.

Njoftimi i policisë Skrapar

Më datë 21.01.2023, në fshatin Gjerbës, Skrapar, në ujërat e lumit në fshatin Rehovë, Skrapar, dyshohet se është vetëmbytur në ujë, shtetasja Sh.Ll., 55 vjeçe, banuese në fshatin Rehovë, Skrapar. Trupi i pajetë i 55-vjeçares është nxjerrë nga uji, dhe nga këqyrja paraprake e trupit të viktimës, nuk janë konstatuar shenja dhune. Për shtetasen Sh.Ll., më datë 21.01.2023, ka njoftuar bashkëshorti i saj se është larguar nga banesa. Nga deklarimet e familjarëve shtetasja Sh.Ll., prej disa kohësh kishte shfaqur shenja depresioni, dhe në vazhdimësi ishte shprehur se do të mbytej në lumë. Grupi hetimor po punon për sqarimin e plotë të rrethanave të ngjarjes. Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme.

 

mbytet gruaja ne rehove

Sondazh

Poll

MË SHUMË