Politike

"Zoti" i merr një mandat PS në Çorovodë, anëtarja e Këshillit Bashkiak humb jetën, s'ka kush ta zëvendësojë

Lista shumë emërore e Partisë Socialiste për anëtarë këshilli që u depozitua në KQZ kishte 20 emra. Asokohe, socialistet fituan 13 mandate. Në fundin e vitit 2022, emri i 20-të, pra i fundit i listës shumë emërore fitoi të drejtën e mandatit të 13 të socialistëve.

21 Janar 2023, 20:12 Nga k.m.
"Zoti" i merr një mandat PS në Çorovodë,
Foto ilustruese

ÇOROVODË- Socialistët mund të humbasin një mandat në Këshillin Bashkiak Skrapar. Shkak është ezaurimi i listës shumë emërore të depozituar prej tyre në 2019, në të cilat opozita nuk mori pjesë.

Në vitin 2019, sipas "Çorovodaonline", lista shumë emërore e Partisë Socialiste për anëtarë këshilli që u depozitua në KQZ kishte 20 emra. Asokohe, socialistet fituan 13 mandate. Në fundin e vitit 2022, emri i 20-të, pra i fundit i listës shumë emërore fitoi të drejtën e mandatit të 13 të socialistëve.

Por këtu ka ndodhur "ngërçi". Kjo pasi pak ditë më parë, ndarja nga jeta e një anëtareje të Këshillit Bashkiak në janar 2023 ka lënë një vend bosh, duke sjellë një situatë që nuk ka ndodhur më derë deri më tani. Vendi i saj nuk mund t'i jepet asnjë anëtari tjetër socialist pasi lista shumë emërore e tyre është e ezauruar tërësisht. Rrjedhimisht edhe pse pa opozitë, socialistët humbasin mes vetes 1 mandat më pak, kësaj herë nga "Zoti".

Megjithatë situata do të duhet që të zgjidhet vetëm në maj, kur të zhvillohen zgjedhjet e reja lokale, kësaj herë edhe me pjesëmarrjen e opozitës.

corovode

Sondazh

Poll