Art&Argëtim

Pamela Anderson flet për martesën e saj me Tommy Lee: E vetmja herë që isha vërtet e dashuruar

 Çifti legjendar i viteve 90-të u nda në vitin 1998, por para se të divorcoheshin, ata kishin dy fëmijë dhe katër vite jetë së bashku.

20 Janar 2023, 17:23 Nga a.l
Pamela Anderson flet për martesën e saj me Tommy Lee: E vetmja
Pamela Anderson

SHBA- Krahas dokumentarit që po përgatit për jetën e saj, i cili do të publikohet më 31 janar në Netflix dhe me titull “Pamela, një histori dashurie”, Pamela Anderson do të publikojë edhe kujtimet e saj. Në to, ajo nuk mund të linte jashtë Tommy Lee, dashurinë e saj të madhe dhe faqen më të errët të jetës së saj.

"Jeta ime. Një mijë papërsosmëri. Një milion perceptime të gabuara. E liga, e egër dhe e humbur", tha aktorja për jetën e saj të turbullt.

Edhe pse kaloi pesë martesa dhe dhjetëra partnerë, i vetmi që arriti të stigmatizojë Pamela Anderson ishte Tommy Lee. Çifti legjendar i viteve 90-të u nda në vitin 1998, por para se të divorcoheshin, ata kishin dy fëmijë dhe katër vite jetë së bashku, shkruajnë mediat e huaja. 

Në një trailer të sapo publikuar për dokumentarin, Anderson trajton kasetën seksuale që u publikua në 1996 me ish-bashkëshortin e saj të lindur në Athinë pa pëlqimin e saj. Publikimi i videos, siç dëgjohet të thotë ajo, e ka bërë të ndihet “e sëmurë” prej vitesh. "Unë e bllokova atë kasetë të vjedhur nga jeta ime në mënyrë që të mbijetoja dhe tani që gjithçka po shfaqet përsëri, ndihem e sëmurë," tha Anderson.

Më pas ajo deklaroi se më në fund është gati të tregojë historinë e saj për herë të parë, pasi deri më tani janë publikuar dhjetëra dokumentarë dhe seriale, duke u fokusuar në periudhën “e errët” të jetës së saj, pas kasetës seksuale të bërë publike./ Dosja.al

pamela anderson

Sondazh

Poll

Art&Argëtim 20 Janar 2023, 16:02 k.m.

FT+VD- Martohen...Maneskin!

Maneskin ITALI- Maneskin e kanë mësuar publikun e tyre në paraqitje “të çuditshme”, por askush nuk e priste foton q...

MË SHUMË