Bota

Zelenskyy takohet me drejtorin e CIA

Drejtori i CIA-s udhëtoi në mënyrë të fshehtë në kryeqytetin ukrainas ku u takua me Presidentin Zelenskyy.

20 Janar 2023, 16:24 Nga k.m.
Zelenskyy takohet me drejtorin e CIA
Volodymyr Zelenskyy dhe William Burns

KIEV- Drejtori i CIA-s, William Burns, udhëtoi në mënyrë sekrete në Kiev në fund të javës së kaluar dhe u takua me presidentin ukrainas Volodymyr Zelenskyy. Lajmi u bë me dije nga gazeta amerikane Washington Post.

Burns informoi Zelenskyyn mbi vlerësimin e CIA-s për planet e ardhshme ushtarake të Rusisë. Pak ditë më parë, në një raport tjetër, gazeta amerikane raportoi se ushtria amerikane ka nisur një program trajnimi të zgjeruar, më të sofistikuar për forcat ukrainase, i cili fokusohet në luftime në shkallë të gjerë dhe synon të forcojë aftësinë e Ukrainës për të rimarrë territorin nga forcat ruse. 

Gjenerali Mark Miley, kryetar i Shefave të Përbashkët të Shtabit, njoftoi gjatë një fluturimi nga Uashingtoni në Evropë se trajnimi filloi të dielën në Grafenwoehr, Gjermani dhe do të vazhdojë për pesë ose gjashtë javë, sipas Washington Post.

Rreth 500 ushtarë ukrainas do të kalojnë fazën fillestare të trajnimit, i cili fokusohet në atë që ushtria e quan "luftë e kombinuar e armëve", në të cilën tanket, artileria, automjetet luftarake dhe armët e tjera janë shtresuar për të maksimizuar fuqinë e zjarrit.

volodymyr zelenskyy william burns

Sondazh

Poll

MË SHUMË