Sport

Braziliani Dani Alves arrestohet në Spanjë…

Ish-mbrojtësi i katalanasve akuzohet për sulm të dyshuar seksual në një bar në Barcelonë

20 Janar 2023, 11:57 Nga DOSJA
Braziliani Dani Alves arrestohet në Spanjë…

SPANJE - Dani Alves u paraqit këtë të premte në një stacion policie në Barcelonë për të dhënë dëshmi, në lidhje me një sulm të dyshuar seksual në një klub nate dhe përfundoi i arrestuar, përcjell gazeta 'La Vanguardia'.

Ish-futbollisti i Barcelonës, i cili tani përfaqëson Pumas në Meksikë, u arrestua rreth orës 10 të mëngjesit me kohën lokale, pasi u dërgua me makinë në Ciutat de la Justicia në Barcelonë, ku do të jetë i pranishëm në një gjyqtar.

Siç raportohet nga La Vanguardia vajza dyshohet se ka bërë një ankesë kundër brazilianit për shkak të prekjes së saj nën të brendshme pa pëlqimin e saj gjatë një mbrëmjeje, një ankesë e bërë menjëherë te personeli i sigurisë së klubit, të cilët më pas ia përcjellin gjithçka autoriteteve kompetente. 

Mëngjesin e sotëm futbollisti i Pumas është thirrur në komisariat për t'u dëgjuar dhe në përfundim të intervistës është arrestuar dhe dërguar në gjykatë ku gjyqtari do të vendosë nëse do ta mbajë në burg apo jo. Megjithatë, rrethi i lojtarit mohoi fjalët e vajzës, duke shpjeguar se ai ishte në klub për një kohë të shkurtër dhe se asgjë nuk ndodhi.

B.T (Dosja.al)

Sondazh

Poll

MË SHUMË