Aktualitet

Stuhi e fortë detare, anulohet lundrimi i trageteve nga Durrësi në drejtim të Barit

Shkak është bërë stuhia detare dhe dallgëzimi drei në 8 ballë. 

20 Janar 2023, 11:44 Nga a.l
Stuhi e fortë detare, anulohet lundrimi i trageteve nga Durrësi
Porti i Vlorës

DURRËS- Erërat e forta dhe reshjet e dendura të shiut kanë shkaktuar anulimin e lundrimit të trageteve nga Durrësi në drejtim të Barit dhe anasjelltas. Shkak është bërë stuhia detare dhe dallgëzimi drei në 8 ballë. 

Nesër parashikohet përmirësim i kushteve atmosferike e për këtë arsye është njofuar se lundrimet do të rifillojnë ditën e nesërme. 

Shqipëria ka hyrë në ditën e katërt që është pushtuar nga moti i keq. Reshjet e dendura të dëborës në zonat malore të Dibrës gjatë orëve të para të mëngjesit kanë bllokuar rrugën e Arbrit. Më konkretisht bypass-i Qafë Murrizë është i pakalueshëm dhe Policia e Shtetit u ka bërë thirrje që drejtuesin e mjeteve të ndjekin aksin e vjetër rrugor, Klos-Burrel-Ulëz. Shkodra dhe Lezha vijojnë të jetë të përmbytura. Gjatë natës, sipërfaqja e tokës së mbuluar nga uji i ka kaluar 1000 ha. Durrësi, Elbasani, Vlora e Fieri kanë probleme në rrugët kryesore të qytetit pasi janë mbushur me ujë. Tirana po ashtu. Fshatrat janë pa energji elektrike./ Dosja.al

permbytet shqiperia 2023

Sondazh

Poll

MË SHUMË