Sport

"Punoi" si trajner vetëm 15 orë, shkarkimi rekord i italianit

Në mes, përvoja në shtëpi pikërisht me C.F. Montréal dhe 12 paraqitje për kombëtaren kanadeze. Kështu, në vitin 2013 erdhi lamtumira me futbollin dhe fillimi i karrierës së tij si trajner. Rrugëtim që kulmoi, ditët e fundit, me thirrjen e C.F. Montreal për të trajnuar ekipin rezervë.

13 Janar 2023, 14:09 Nga DOSJA
"Punoi" si trajner vetëm 15 orë, shkarkimi rekord i

KANADA - Shkarkim blitz ndodhi në Kanada, ku një trajner u punësua dhe u pushua brenda pak orësh. Protagonisti i historisë ishte trajneri italo-kanadez Sandro Grande. I thirrur për të mbuluar rolin e trajnerit të ekipit rezervë të C.F. Montreal, Grande u shkarkua vetëm 15 orë më vonë. Arsyeja? Një postim i publikuar në rrjetet sociale që ka indinjuar shumë tifozë.

Në një postim në Facebook, Grande i quajti sovranistët budallenj dhe malësorë. Ndërsa në postimin e publikuar në Twitter, ai sulmoi ashpër eksponentin e partisë: “Gabimi i vetëm i gjuajtësit ishte që humbi shënjestrën, Marois. Miku im, do të jetë për herën tjetër, shpresoj”. Një mesazh i patolerueshëm, që e bindi shoqërinë të bënte prapa dhe të griste kontratën e nënshkruar vetëm disa orë më parë.

Gjatë karrierës së tij, si futbollist, ai ka luajtur në Itali me Isernia, Potenza, Frosinone, Brescia, Catanzaro dhe Albalonga. Përveç 6 sezoneve në Itali, Sandro Grande luajti në Norvegji (me Viking dhe Molde). Pastaj edhe në Lituani (me Suduva). Në mes, përvoja në shtëpi pikërisht me C.F. Montréal dhe 12 paraqitje për kombëtaren kanadeze. Kështu, në vitin 2013 erdhi lamtumira me futbollin dhe fillimi i karrierës së tij si trajner. Rrugëtim që kulmoi, ditët e fundit, me thirrjen e C.F. Montreal për të trajnuar ekipin rezervë.

B.T (Dosja.al)

Sondazh

Poll

MË SHUMË