Politike

8 miliardë lekë pako, Rama: Të gjitha gratë kryefamiljare e morën bonusin, do rrisim ndihmën ekonomike për to

Ai shkruan se këtë vit ka nisur programi i pagesës së sigurimeve shoqërore e shëndetësore për nënat e papuna me tre fëmijë.

12 Janar 2023, 23:39 Nga F.M
8 miliardë lekë pako, Rama: Të gjitha gratë kryefamiljare e
Pakoja

TIRANË- Kryeministri Edi Rama thotë se që në dy javët e para të janarit kanë arritur të ndajnë bunosin e pakos së madhe 8 miliardë lekëshe për të gjitha nënat kryefamiljare. Në një postim në Facebook, ai shkruan se këtë vit ka nisur programi i pagesës së sigurimeve shoqërore e shëndetësore për nënat e papuna me tre fëmijë. Ai shton më tej se për këto kategori do të rritet përsëri ndihma ekonomike.

Postimi:

Të gjitha nënat kryefamiljare e morën këto ditë sipas premtimit edhe bonusin e Pakos së Madhe dhe urojmë ta kenë sa më të mbarë e me shëndet të plotë, vitin që sapo ka nisur. *Vitin e shkuar ndihma për nënat kryefamiljare u rrit ndjeshëm, këtë vit ka nisur programi i pagesës së sigurimeve shoqërore e shëndetësore për nënat e papuna me tre fëmijë, si edhe do të rritet përsëri ndihma ekonomike për këtë kategori sociale

Pakoja u njoftua rrufeshëm kur askush nuk e priste nga kryeministri Edi Rama, edhe pse ekspertë të ekonomisë dhe opozita kishin apeluar që qeveria të merrte masa që në vjeshtë për të zbutur efektet e krizës pas luftës në Ukrainë. Por në prag të vitit 2023, Rama dhe qeveria njoftuan paketën e ndihmës me vlerë 8 miliardë lekë që prek 1 milionë qytetarë.

Kategoritë janë: 695 mijë pensionistë që marrin 8 mijë lekë të reja, punonjësit e administratës do të përfitojnë 20 mijë lekë të reja ata që paguhen më pak se 60 mijë lekë dhe 10 mijë lekë përfitojnë ata që paguhen mbi 60 mijë lekë të reja. Me bonus 20 mijë lekë të reja u trajtuan dhe 6700 gra kryefamiljare.

edi rama 8 miliarde leke pako

Sondazh

Poll

MË SHUMË