Sport

Braziliani Sylvinho nis nga puna, takohet me të gjithë trajnerët e ekipeve të moshave…

Pas prezantimit, trajneri Sylvinho u shpreh se bashkëpunimi mes trajnerëve të ekipeve përfaqësuese të moshave dhe Kombëtares do të jetë shumë i ngushtë për të përgatitur dhe për të afirmuar sa më shumë lojtarë të talentuar.

10 Janar 2023, 13:47 Nga DOSJA

Braziliani Sylvinho nis nga puna, takohet me të gjithë trajnerët

TIRANE - Trajneri i ri i Kombëtares, Sylvinho, ka nisur menjëherë nga puna, pasi mori zyrtarisht detyrën të hënën. Braziliani, së bashku me dy ndihmës-trajnerët e tij, Pablo Zabaleta dhe Dorival Guidoni Junior, kanë zhvilluar një takime me të gjithë trajnerët e ekipeve përfaqësuese të moshave, për djem dhe vajza.

Në këtë takim ishin të pranishëm trajneri i kombëtares së femrave, Armir Grima, trajneri i U-21 Alban Bushi, trajneri i U-19 Armando Cungu, trajneri i U-18 Ardi Behari, trajneri i U-17 Ervin Bulku, trajneri i U-16 Agron Kërçova, trajneri i U-15 Armand Damo, trajneri i U-19 për vajza Kreshnik Krepi, trajneri i U-17 për vajza, Agustin Kola, si edhe drejtori i Departamentit të ekipeve kombëtare në FSHF, Dritan Babamusta dhe menaxheri Denis Lilo.

Braziliani Sylvinho nis nga puna, takohet me të gjithë trajnerët

Pas prezantimit, trajneri Sylvinho u shpreh optimist për këtë bashkëpunim të ri dhe shfaqi entuziazmin e tij për këtë aventurë të re me Shqipërinë. Braziliani theksoi se bashkëpunimi mes trajnerëve të ekipeve përfaqësuese të moshave dhe Kombëtares do të jetë shumë i ngushtë për të përgatitur dhe për të afirmuar sa më shumë lojtarë të talentuar.

Gjithashtu, Sylvinho u njoh edhe me mënyrën e organizimit të gjithë ekipeve të të moshave dhe për programin apo metodologjitë stërvitore që ato aplikojnë gjatë vitit, teksa mori informacion edhe për mënyrën se si monitorohen elementët e spikatur të cilët aktivizohen veçanërisht jashtë vendit.

Trajneri i Kombëtares theksoi se qëllimi i përbashkët është i njëjtë, për të afirmuar sa më shumë futbollistë të rinj, por edhe për të marrë sa më shumë rezultate pozitive me të gjitha ekipet përfaqësuese të moshave. Takime të ngjashme do të jenë periodike në një kohë, që stafi i ri teknik përgatitet për nisjen e eliminatoreve të Europianit Gjermani 2024 në muajin mars.

Braziliani Sylvinho nis nga puna, takohet me të gjithë trajnerët

B.T (Dosja.al)

Sondazh

Poll

MË SHUMË