Sport

Njihuni me dëshirën e yllit të NBA-së, LeBron James, para se të mbyllë karrierën sportive

“Dua të luaj me Bronny. Dua të kaloj një sezon të tërë me të, në të njëjtën skuadër. Kjo do të ishte qershia mbi tortë",- u shpreh ylli i NBA-së.

7 Janar 2023, 18:17 Nga DOSJA
Njihuni me dëshirën e yllit të NBA-së, LeBron James, para se

SHBA - LeBron James, ylli i NBA dhe Lakers, zbuloi në një intervistë për 'ESPN', se ka edhe një dëshirë për të përmbushur, përpara se të përfundojë karrierën e tij. Ai u shpreh se kishte si qëllim të luante përkrah djalit të tij, diçka që mund të ndodhë vetëm nga 2024, pasi Bronny mbush 19 vjeç në tetor.

"Duhet të jem në fushë me djalin tim. Dua të luaj me Bronny. Dua të kaloj një sezon të tërë me të, në të njëjtën skuadër. Kjo do të ishte qershia mbi tortë",- u shpreh ylli i NBA-së.

LeBron ka rrëfyer, se momenti i keq që jeton Lakers në këtë sezon (18 fitore dhe 21 humbje) është se diçka nuk “po shkon mirë”, por deklaroi se është i kënaqur që ende shihet si “kërcënim”.

"Nuk më pëlqen të thyej rekorde të tilla humbjesh, është diçka që nuk më pëlqen. Jam stërvitur për të fituar, kam lindur për të fituar. Fakti që më shikojnë ende si një kërcënim më bën të kuptoj se ende luaj në nivelin më të lartë, kështu dua të vazhdoj. Dua të konsiderohem kërcënim dhe të respektohem sa herë që shkel në fushë", përfundoi LeBron James.

B.T (Dosja.al)

Sondazh

Poll

MË SHUMË