Bota

'Njohja reciproke e Beogardit dhe Prishtinës e pamundur'/ Deklaratat shokuese të ambasadorit amerikan, Hoti: Çfarë ndodhi?

Kjo deklaratë në të njëjtën kohë shkaktoi një vëmendje të madhe në Kosovë, veçanërisht te politikanët atje.

4 Janar 2023, 17:03 Nga a.l
'Njohja reciproke e Beogardit dhe Prishtinës e pamundur'/
Veriu i Kosovës

KOSOVË- Në një tekst të publikuar në portalin “UnHerd” me titull “A do të përfundojë ndonjëherë lufta në Kosovë?”, Juda ka shkruar për perspektivat e kësaj pjese të Ballkanit pas heqjes së barrikadave në veri të krahinës dhe negociatave të ardhshme në lidhje me plani gjermano-francez. Juda zbulon pjesë nga bisedat e tij me zyrtarë të lartë dhe diplomatë që kanë punuar për zgjidhjen e problemit të Kosovës, ku thuhej se ambasadori amerikan Hovenier kishte deklaruar se njohja reciproke e Beogradit dhe Prishtinës për momentin është e pamundur. 

'Lajçak më tha se tensionet nuk kanë qenë kaq të larta në 20 vitet e fundit dhe se keqkuptimi është në pikën më të lartë të mundshme. Megjithatë, ambasadori Hovenier tingëllon dukshëm më optimist. Ai më tha: Njohja reciproke e Beogradit dhe Prishtinës është qëllimi ynë kryesor, por ne jemi të vetëdijshëm se, për fat të keq, kjo nuk është e mundur për momentin. Megjithatë, sfida të tjera mund të zgjidhen. Nëse shikoni marrëveshjen e fundit për heqjen e barrikadave, kjo e tregon. Ne mund t'i zgjidhim problemet, hap pas hapi... dhe ka ende mundësi', shkroi Jude.

Siç shkruajnë dhe mediat vendase, deklarata e Hovenier, ndonëse nuk është konfirmuar e as mohuar nga Ambasada Amerikane në Prishtinë dhe as nga ndonjë zyrtar tjetër amerikan, paraqet precedent, sepse deri më tani, të gjithë zyrtarët perëndimorë e kanë përmendur njohjen reciproke si një lloj mantra, si kusht pa të cilin problemi i Kosovës nuk mund të zgjidhet.

Kjo deklaratë në të njëjtën kohë shkaktoi një vëmendje të madhe në Kosovë, veçanërisht te politikanët atje. Kështu ka reaguar menjëherë ish-kryeministri i Prishtinës, Avdullah Hoti, i cili është pyetur se çfarë ka ndodhur me marrëdhëniet mes Kosovës dhe SHBA-së, që Amerika të mendojë se njohja nga Serbia nuk është më në qendër të vëmendjes”.

“Zyrtarët e qeverisë duhet t'u tregojnë njerëzve se çfarë bënë që bëri që SHBA-ja, aleati kryesor i Kosovës, të deklarojë se nuk është koha për njohje nga Serbia. Çfarë ndodhi në marrëdhëniet e Kosovës me SHBA-në që njohja reciproke nuk është më në qendër”, ka thënë Hoti në Facebook.

Prite një reagim nga ana e vetë ambasadorit amerikan për të treguar sesi qëndron e vërteta pas deklaratave të publikuara së fundmi. 

jeff hovenier tim judah

Sondazh

Poll

MË SHUMË