Aktualitet

Drift me 'Benz' në rotondon e stacionit të autobusëve, identifikohet dhe gjobitet 24-vjeçari në Fier (VIDEO)

Policia njofton se ndaj të riut është vendosur një masë administrative prej 40 000 lekë të reja. 

3 Janar 2023, 14:11 Nga a.l
Drift me 'Benz' në rotondon e stacionit të autobusëve,
Benz

FIER- Një 24- vjeçar në Fier është arrestuar nga policia pasi është kapur duke bërë manovra të rrezikshme shpejtësie duke xhiruar gomat pranë një stacioni të autobusit. Policia njofton se ndaj të riut është vendosur një masë administrative prej 40 000 lekë të reja. 

NJOFTIMI I POLICISË: 

Fier-Kreu manovra të rrezikshme (drift) me automjet, në rotondo, identifikohet dhe ndëshkohet me masë administrative, drejtuesi i automjetit. Pas publikimit të një video-je në rrjetet sociale, në të cilën shfaqet një drejtues automjeti, në vendin e quajtur “Rotondo e stacionit të autobusave”, Patos, duke kryer manovra të rrezikshme (drift) me automjet dhe duke u bërë burim aksidenti për vete dhe përdoruesit e tjerë të rrugës, shërbimet e Policisë Rrugore Fier, kanë bërë të mundur identifikimin dhe lokalizimin e automjetit që shfaqet në video, si dhe kapjen e drejtuesit të tij, shtetasit R. B., 24 vjeç. Për kundërvajtjen e kryer, konkretisht për shkelje të nenit 139, pika 3, pika 5 dhe pika 8 të Kodit Rrugor “Drejtuesi i mjetit nuk rregullon shpejtësinë në afërsi të kryqëzimeve duke u bërë rrezik për vete dhe për përdoruesit e tjerë të rrugës”, “Drejtuesi i mjetit nuk duhet të bëi garë në shpejtësi”, ndaj shtetasit R. B., u vendos masa administrative prej 40 000 lekësh të rinj.

Drejtoria Vendore e Policisë Fier apelon për të gjithë përdoruesit e rrugës që të respektojnë rregullat e qarkullimit rrugor, me qëllim mbrojtjen e jetës dhe garantimin e rendit.

arrestime ne fier

Sondazh

Poll

MË SHUMË