Aktualitet

400 mijë rryshfet për të ulur dënimin e të burgosurit, SPAK mbyll hetimet për gjyqtaren Zamira Vyshka

Arrestimet erdhën pasi përgjimet dhe vëzhgimet e Prokurorisë së Posaçme nxorën zbuluar gjyqtaren dhe avokatin Ilir Pashai.

29 Dhjetor 2022, 11:01 Nga a.l
400 mijë rryshfet për të ulur dënimin e të burgosurit,
SPAK

ELBASAN- Prokuroria e Posaçme ka mbyllur hetimet për gjyqtaren e Elbasanit Zamira Vyshka, avokatin Ilir Pashaj dhe të pandehurve të tjerë. SPAK ka marrë të pandehur 5 persona, ku përveç Vyshkës e Pashajt të pandehur janë marrë edhe 3 familjarë që do ndërhynin tek gjyqtarja për uljen e dënimit të Xhulio Musait. Vyshka dhe avokati Pashaj sipas hetimeve kishin planifikuar të merrnin 400 mijë lekë rryshfet për t'i ulur dënimin me 6 muaj Xhulio Musait. 

Gjyqtarja do përballet me drejtësinë për akuzën, “Korrupsion pasiv i gjyqtarit, prokurorit dhe funksionarëve të tjerë të drejtësisë”, në bashkëpunim, parashikuar nga nenet 319 dhe 25 të Kodit Penal. Ditën e djeshmë SPAK ka komunikuar akuzat edhe ndaj Taulant Romallarit  i cili akuozhet për korrupsion dhe Adrea Tiranës për moskallëzim. Mësohet se sot SPAK do t'i komunikojë akuzën e korrupsionit edhe avokatit Ilir Pashaj. 

Arrestimi i gjyqtares Vyshka dhe avokatit është bërë në korrik të këtij viti. Përgjimet dhe vëzhgimet e Prokurorisë së Posaçme nxorën zbuluar bashkëpunimin mes gjytares dhe avokatit, të cilët përmes një rryshfeti 400 mijë lekë do të ulnin dënimin me 6 muaj të të dënuarit Xhulio Musait./ Dosja.al

zamira vushka

Sondazh

Poll

MË SHUMË