Bota

ME VIDEO: Momenti kur 69-vjeçari ekzekutoi 3 kurdë në Paris: I kam inat emigrantët, do vrisja veten në fund

Në një tjetër video, neutralizimi i tij është regjistruar nga persona që ndodheshin në berber.

26 Dhjetor 2022, 11:13 Nga k.m.
ME VIDEO: Momenti kur 69-vjeçari ekzekutoi 3 kurdë në Paris: I
Moment nga vrasja

FRANCË- Del videoja e momentit kur 69-vjeçari qëlloi dhe ekzekutoi tre kurdë në Paris të enjten. Siç edhe duket nga pamjet, 69-vjeçari i veshur me një xhaketë të kuqe shihet teksa hyn në një berberhane, ku edhe hapi zjarr. Në një video të dytë është regjistruar momenti kur 69-vjeçari është neutralizuar nga persona brenda biznesit.

69-vjeçari, i cili gjatë marrjes në pyetje pranoi se ndjen një “urrejtje patologjike ndaj të huajve”, akuzohet për vrasjen e Emine Cara, një zyrtare e Lëvizjes Kurde në Francë, si dhe dy burrave, mes të cilëve ishte edhe artisti dhe refugjati politik Mir Perver. Po ashtu, 3 burra të tjerë u plagosën – njëri në gjendje të rëndë – por jeta e tyre nuk është në rrezik. 5/6  viktimat kishin nënshtetësi turke dhe një franceze.

Sipas prokurorisë, nga hetimi i zhvilluar në shtëpinë e prindërve të 69-vjeçarit, ku edhe banonte, nuk u gjet asnjë provë që ai të kishte lidhje me ndonjë grup ekstremist. Gjatë marrjes në pyetje ai pohoi se "urrejtja e tij ndaj të huajve u bë patologjike" pas një vjedhjeje në shtëpinë e tij në vitin 2016, se vuan nga depresioni dhe ka prirje vetëvrasëse "por para se të vrisja veten kam dashur gjithmonë të vras ​​emigrantë, të huaj.”

69-vjeçari thuhet gjithashtu se donte të vriste kurdët, e pasi të mbaronte punë me municionin që kishte, synonte të vriste veten.

Sondazh

Poll

MË SHUMË