Bota

Të shtënat me armë pranë patrullës së KFOR-it/ Reagon Sveçla: Lojërat e Vuçiç, po vazhdon me instrumentat e tij kriminale

Ai gjithashtu tha se barrikadat duhet të hiqen menjëherë dhe se Serbia duhet të ndalojë organizimin dhe mbështetjen e strukturave kriminale ilegale që duan të destabilizojnë Republikën e Kosovës.

26 Dhjetor 2022, 09:04 Nga a.l
Të shtënat me armë pranë patrullës së KFOR-it/
KFOR

KOSOVË- Ministri i Punëve të Brendshme, Xhelal Sveçla ka reaguar pas sulmit pranë patrullës së KFOR-it në Zubin Potok. Përmes një reagimi në Facebook, Sveçla shkroi se këto janë lojërat e presidentit serb Aleksandar Vuçiç dhe instrumenteve të tij kriminale po vazhdojnë. Ai gjithashtu tha se barrikadat duhet të hiqen menjëherë dhe se Serbia duhet të ndalojë organizimin dhe mbështetjen e strukturave kriminale ilegale që duan të destabilizojnë Republikën e Kosovës.

Fillimisht deklaruan se në Zubin Potok ka pasur përleshje të armatosura të iniciuara nga Policia e Kosovës dhe Njësitë e saj Speciale. Mirëpo, kur e kuptuan se bandat kriminale të mbështetura nga vet ai kanë sulmuar KFOR-in, duan t’i mohojnë të gjitha sulmet. Policia e Kosovës do të vazhdojë të luaj rolin e saj dhe përmbushë misionin e vet. Bëj thirrje tek të gjithë qytetarët që të mos bien pre e propagandës së Serbisë për të nxitur një konflikt të ri dhe të bashkëpunojnë me Policinë dhe organet e rendit”, shkroi ai.

KFOR ka konfirmuar se janë dëgjuar krisma armësh pranë patrullës e cila ishte duke monitoruar gjendjen. Gjithashtu, njoftohet se lidhur me rastin janë duke u kryer hetime. Edhe pse ndërkombëtarët kanë bërë thirrje të vazhdueshme për të hequr barrikadat, serbët kanë zbarkuar kamionët dhe makineritë e rënda në rrugë. Më herët KFOR-i kërkoi zgjidhje përmes dialogut. Dy ditë më parë Kryeministri Kurti në një konferencë për media tha se nuk mund të tolerohet gjendja e krijuar në Veri, teksa bëri të ditur se me komandantin e KFOR-it do të takohet pas Krishtlindjeve./ Dosja.al

tensione në veri të kosovës xhelal sveçla

Sondazh

Poll