Sport

FIFA përcaktoi “7 mrekullitë” e Kupës së Botës "Katar 2022". Ja kush janë ato...

Institucioni i futbollit botëror përzgjodhi ndeshjet dhe momentet e veçanta të finaleve të Botërorit të 22-të

25 Dhjetor 2022, 17:54 Nga DOSJA

FIFA përcaktoi “7 mrekullitë” e Kupës së

ZVICER - Për FIFA-n, eliminimi i Portugalisë ndaj Marokut, në çerekfinale, ishte një nga momentet më të mira të Botërorit. Jo se i kualifikoi “Luanët e Atlasit” në gjysmëfinale, por sepse i futi marokenët në historinë e futbollit, pasi u bënë skuadra e parë afrikane që arriti në gjysmëfinale.

Përveç fitores epike të Marokut ndaj Portugalisë (1-0, goli i Youssef En-Nesyri 42'), FIFA zgjodhi edhe gjashtë momente të tjera të paharrueshme që ndodhën në Katar.

I tillë ishte edhe kualifikimi i Koresë së Jugut, që mundi Portugalinë (2-1) në raundin e fundit të ndeshjeve në Grupit H dhe pas bilbilit të fundit, qëndroi në fushë me veshin në ndeshjen tjetër të grupit, Gana-Uruguay. Amerikano-jugorët fituan 2-0, por ishin një gol larg kalimit në fazën e 16-të dhe koreanët festuan kualifikimin.

Epic ishte gjithashtu kualifikimi dhe fitoret e Japonisë ndaj Gjermanisë dhe Spanjës në Grupin E, fitorja befasuese e Arabisë Saudite ndaj Argjentinës në ndeshjen hapëse të Grupin C, çerekfinalja Holandë-Argjentinë, me Wout Weghorst që hyri dhe shënoi golat që çuan lojën në kohën shtesë.

Eshtë veçuar edhe dueli i golave mes Messit dhe Mbappé në finalen, që përfundoi me fitoren e Argjentinës me penallti. Gjithashtu në histori është edhe Mohamed Muntar, shënuesi i golit të parë dhe të vetëm të shënuar nga Katari, vendi organizator, në një Botëror.

B.T (Dosja.al)