Bota

FOTOLAJM/ Si dukej pema e Krishtlindjes në Kiev vite më parë

Krishtlindjet e para të Ukrainës që nga pushtimi i shkurtit kanë lënë një vend krejtësisht të transformuar me banorët që zgjohen të dielën përsëri nga një alarm mbarëkombëtar i sulmit ajror.

25 Dhjetor 2022, 14:34 Nga a.l
FOTOLAJM/ Si dukej pema e Krishtlindjes në Kiev vite më parë
Pema e Krishtlindjeve

UKRAINË- Me anulimin e shumë prej traditave të zakonshme, ukrainasit po bëjnë çmos për të mbajtur gjallë frymën festive. Në prag të Krishtlindjes, ndërsa katolikët ukrainas u mblodhën për të festuar në Katedralen Latine në qytetin perëndimor të Lviv, energjia elektrike ishte e fikur, pasojë e valëve të fundit të sulmeve me raketa ruse në rrjetin elektrik të vendit. 

Realiteti është se edhe koha për të festuar Krishtlindjet është bërë një çështje thellësisht e politizuar në mes të luftës. Për shekuj me radhë ukrainasit festuan Krishtlindjet më 7 janar, datën e lindjes së Krishtit sipas kalendarit Julian. Por pas pushtimit të Vladimir Putinit në shkurt, kisha ortodokse e Ukrainës po lejon kongregacionet e saj për herë të parë të festojnë Krishtlindjet më 25 dhjetor, në një lëvizje larg Rusisë dhe drejt perëndimit, shkuan The Guardian. 

FOTOLAJM/ Si dukej pema e Krishtlindjes në Kiev vite më parë
Christmas tree

Krishtlindjet e para të Ukrainës që nga pushtimi i shkurtit kanë lënë një vend krejtësisht të transformuar me banorët që zgjohen të dielën përsëri nga një alarm mbarëkombëtar i sulmit ajror. Në lindje, në rajonin e Donbasit dhe në jug - vendndodhjet e dy vijave të frontit, ushtarët janë ulur me shokët, jo me familjet, për të ngrënë qullin tradicional të Krishtlindjeve me fara lulekuqe, grurë dhe rrush të thatë të quajtur 'kutya'.

Për shumë njerëz, megjithatë, ka qenë një histori e konfliktit të pamëshirshëm, ndërsa betejat u ndezën dhe rusët vazhduan bombardimet e qendrave civile, duke përfshirë qytetin jugor të Khersonit, ku 10 njerëz u vranë në prag të Krishtlindjeve. Për shumë civilë pranë vijës së frontit të dielën, ushqimet u gatuan në soba ose mbi zjarr, ndërsa shumë tw tjerw në të gjithë vendin do ta fillojnë ditën me "kafe lufte", zezë pa sheqer./Dosja.al

lufta ne ukraine

Sondazh

Poll

MË SHUMË