Aktualitet

Hakerimi i sistemit të Credins online, reagon banka: Sulm periferik, llogaritë e klientëve tanë janë të sigurta

Grupimi i hakerave iranianë të njohur si "Homeland Justice" njoftuan se kishin marrë nën zotërim sistemin dhe serverin e bankës

23 Dhjetor 2022, 11:41 Nga f.g
Hakerimi i sistemit të Credins online, reagon banka: Sulm periferik,
Foto ilustruese

TIRANE- Banka Credins ka konfirmuar 3 ditë pasi e përshkroi si "problem" teknik, faktin se sistemi online ka rënë pre e një sulmi kibernetik. Disa orë pasi grupimi i hakerave iranianë të njohur si "Homeland Justice" njoftuan se kishin marrë nën zotërim sistemin dhe serverin e bankës, përfshirë të dhënat e "back up", banka sqaron se sulmi është periferik dhe se llogaritë e klientëve bashkë me paratë janë të sigurta. 

Reagimi i Credins:

Të nderuar klientë dhe qytetarë, Me qëllim të informimit të drejtë dhe evitimit të shqetësimeve të klientëve tanë, njoftojmë të gjithë klientët e Bankës Credins që kemi qenë pre e një sulmi kibernetik, ku për pasojë një sistem periferik është prekur e më tej është izoluar duke siguruar që janë zbatuar masat më të larta të sigurisë informatike. Stafet tona të teknologjisë së Informacionit dhe sigurisë, në bashkëpunim me partnerët tanë ndërkombëtarë, kanë ndërmarrë të gjitha hapat e nevojshëm ligjorë, duke njoftuar të gjitha organet rregullatore e mbikqyrëse të cilat janë duke ofruar mbështetjen maksimale. Banka Credins i siguron të gjithë klientët, se të gjitha llogaritë dhe asetet e klientëve te saj, janë të sigurta dhe të paprekura nga ky sulm. Banka Credins ju kërkon ndjesë të gjithë klientëve për shqetësimet e krijuara duke theksuar se siguria e tyre është e garantuar. Gjithashtu, njoftojmë të gjithë personat që publikimi i informatave personale në mënyrë të pa autorizuar përbën shkelje ligjore, prandaj edhe kërkojmë që menjëherë të ndalet shpërndarja e këtyre informatave. Ju falenderojmë për mirëkuptimin. Të gatshëm për t’ju shërbyer gjithmonë.

 

Hakerimi i sistemit të Credins online, reagon banka: Sulm periferik,

Reagimi vjen disa ditë pasi në rrjetet sociale qytetarë të shumtë ngritën shqetësim se kishin marrë mesazhe për zerimin e llogarive të tyre dhe transaksione që nuk ishin bërë prej tyre. Por këto shqetësime u hodhën poshtë nga Credins që deklaroi se sistemi online nuk ishte hakeruar por kishte hasur vështirësi teknike. /Dosja.al

homeland justice banka credins credins online

Sondazh

Poll

MË SHUMË