Art&Argëtim

Nga humbja e fëmijës, te konfliktet me familjen, jeta luksoze dhe marrdhënia me Cristano Ronaldo, Georgina Rodriguez bën rrëfimin e rrallë

Rodriguez zbuloi se pavarësisht tragjedisë ajo ndihet e lumtur. Ajo është mirënjohëse që ka një familje të madhe dhe të dashur. Marrëdhëniet e mira me Ronaldon i trajton si suksesin e saj më të madh.

23 Dhjetor 2022, 08:58 Nga a.l
Nga humbja e fëmijës, te konfliktet me familjen, jeta luksoze dhe
Georgina Rodriguez dhe Cristiano Ronaldo

SPANJË- Modelja e njohur Georgina Rodriguez dhe njëherësh bashkëshortja e yllit portugez Cristiano Ronaldo ka dhënë një intervistë të gjerë për intervistën 'Elle' duke rrëfyer pa rezerva të gjitha momentet dhe emocionet që e kanë përshkuar përgjatë këtij viti. Cristiano Ronaldo dhe Georgina Rodriguez janë në pritje të Krishtlindjeve të para me një anëtar të ri në familje, vajzën e tyre të vogël Bella Esemeralda e cila erdhi n ë jetë në prill të këtij viti. Fatkeqësisht, vëllai binjak i vajzës vdiq në spital, gjë që tronditi jo vetëm prindërit, por edhe fansat e tyre në mbarë botën. Ronaldo ka marrë një pushim nga futbolli. Në pjesën e parë të revistës “Elle”, Georgina Rodriguez ka pranuar se tragjedia që preku atë dhe Cristiano Ronaldon, e bëri atë padyshim vitin më të keq të jetës së saj. Modelja zbuloi se momenti i shumëpritur i lumturisë solli shumë trishtim që do ta shoqërojë gjithmonë. Ajo shtoi se tani fokusohet kryesisht tek fëmijët dhe dëshiron t'u kushtojë sa më shumë vëmendje atyre. 

'Ky vit ka qenë më i vështiri në jetën time. Momenti më i lumtur është bërë më i trishtuari dhe do të na qëndrojë për gjithë jetën. Fëmijët e mi janë gjëja më e rëndësishme që kam. Çdo hap që bëj shënohet prej tyre. Unë jam nëna e kudondodhur në zhvillimin e tyre. Ndonjëherë dëgjoj se është shumë, por nuk dua të humbas asgjë',  tha ajo në një intervistë për “Elle”.

Rodriguez zbuloi se pavarësisht tragjedisë ajo ndihet e lumtur. Ajo është mirënjohëse që ka një familje të madhe dhe të dashur. Marrëdhëniet e mira me Ronaldon i trajton si suksesin e saj më të madh.

'Ndihem e lumtur. Unë kam një familje të bukur, të dashur, një burrë që më do, një nënë që më mësoi gjithçka që di, një motër që ka qenë e besuara ime më e madhe dhe miq që janë si familje për mua. Dhe ky është një sukses për mua,” shpjegoi ajo', tha ajo. 

Modelja komentoi edhe thashethemet për konfliktin e saj me motrën dhe familjen e Cristiano Ronaldos dhe të afërmit e saj. Thuhej se Rodriguez nuk donte të ndihmonte motrën e saj të pastrehë. Partnerja e futbollistit theksoi se kjo nuk ka asnjë lidhje me të vërtetën. 

'Po të kërkosh emrin tim në google sot, do të zbulosh se po debatoj me familjen e Cristianos, se kam një motër që më kërkon para. Jeta ime është shumë më e thjeshtë se e gjithë kjo: nuk më pëlqejnë konfliktet, nuk debatoj kurrë me askënd, por më e keqja është se të gjitha këto informacione janë një gënjeshtër. Gjithçka që dua është të jem me vajzën time të vogël në spital', shpjegoi ajo.

E gjithë intervista me yllin është publikuar në edicionin spanjoll të revistës “Elle”. 

georgina rodriguez cristiano ronaldo

Sondazh

Poll

MË SHUMË