Sport

Liverpool humbet një nga yjet e tij, do të mungojë edhe për sfidën ndaj Real Madridit

Skuadra e Klopp nuk do të mund të llogarisë në një nga lojtarët më të mirë sulmues në duelin e 1/16-tës së Champions League.

22 Dhjetor 2022, 12:28 Nga DOSJA
Liverpool humbet një nga yjet e tij, do të mungojë edhe për

ANGLI - Liverpool rikthehet në garë këtë të enjte për të luajtur ndeshjen e tij në Carabao Cup kundër Manchester City. Pas këtij dueli, ‘Reds’ do të fokusohen sërish në Premier League, në të cilën do të rikthehen më 26 dhjetor në ‘Villa Park’ ndaj Aston Villas.

“The Reds” e kanë shumë të komplikuar titullin e ligës, pas një turi të parë të keq. Ata në Premier League janë të gjashtët, me 22 pikë, 15 pas liderit, Arsenalit. Synimi i Liverpool në renditje është të futet në top katërshe dhe të kualifikohet në Champions League sezonin e ardhshëm, një objektiv i rëndësishëm në aspektin sportiv dhe financiar.

Sfida tjetër që ka skuadra e Jürgen Klopp është të avancojë sa më shumë në Europë. Ata duan të imitojnë Real Madrid, që është i aftë të shkëputet nga liga dhe të arrijë sukses në Europë... dhe pikërisht ata do të përballen me ‘los blancos’ në 1/16, një nga ndeshjet më tërheqëse në Champions League.

Megjithatë, ‘Reds’ kanë hasur në një lajm shumë të keq; Luis Díaz, një nga lojtarët e tyre më të mirë sezonin e kaluar, ka pësuar një ridëmtim të tij dhe do të mungojë për rreth tre muaj.

Kjo nënkupton që kolumbiani nuk do të arrijë të luajë kundër Real Madridit, një humbje shumë e ndjeshme për skuadrën e Liverpoolit, pasi Díaz ka qenë përcaktues në disa raste që kur mbërriti në Anfield dimrin e kaluar për një shumë të përafërt prej 50 milionë eurosh.

Pa Díaz në dispozicion, Liverpool mund të shkojë në tregun e transferimeve për të mbuluar një pozicion, në të cilin Diogo Jota është ende i ulët. A do të gjejnë diçka që i përshtatet në këtë treg dimëror që hapet më 1 janar?

B.T (Dosja.al)

Sondazh

Poll

MË SHUMË