Bota

Sulmohen me gurë gazetarët në veri të Kosovës, shihen persona të maskuar afër barrikadave në Çabër

Ata kanë hedhur gurë drejt tyre, teksa ndodheshin në afërsi të barrikadës qëështë vendosur në Çabër.

21 Dhjetor 2022, 12:20 Nga a.l
Sulmohen me gurë gazetarët në veri të Kosovës, shihen
veriu i Kosovës

KOSOVË- Disa persona të maskuar kanë sulmuar sërish gazetarët që raportojnë në veri të Kosovës. Ata kanë hedhur gurë drejt tyre, teksa ndodheshin në afërsi të barrikadës qëështë vendosur në Çabër.

Për ditën e sotme ky është rasti i dytë që gazetarët që raportojnë sulmohen nga persona ende të paidentifikuar. Më herët u raportua se në Mitrovicën e Veriut u sulmuan lëndë plasëse. Shpërthimi ka qenë mjaft i fuqishëm. Incidenti ka ndodhur në prezencën e Policisë së Kosovës.

Situata në pjesën veriore të vendit është e tensionuar që nga fillimi i dhjetorit. Në atë pjesë të banuar me shumicë serbe deri tani janë regjistruar disa incidente me armë zjarri, shok-bomba e granata dore. Gjithsej nëntë barrikada janë ngritur nga serbët lokalë, duke bllokuar rrugët në atë pjesë. Pjesëtarët e KFOR-it kanë shtuar prezencën në të dy drejtimet e kufijve me Serbinë. Aty po qëndrojnë edhe pjesëtarët e Policisë së Kosovës, të cilët kujdesen për sigurinë e qytetarëve shqiptarë e serbë. Barrikadat janë ngritur më 10 dhjetor si shenjë pakënaqësie ndaj arrestimit të ish-zyrtarit serb të Policisë së Kosovës, Dejan Pantiq. Ai dyshohet se ka organizuar “sulm terrorist” në zyrat e Komisionit Qendror të Zgjedhjeve në veri të Kosovës më herët gjatë muajit dhjetor.

tensione në veri të kosovës

Sondazh

Poll

MË SHUMË