Sport

Maroku i zemëruar me gjykimin, bojkoton ceremoninë e medaljeve për Kroacinë...

Duhej të shfaqej trajneri për të qetësuar atmosferën dhe për t'u kërkuar futbollistëve të tij të largoheshin nga arbitri.

18 Dhjetor 2022, 07:11 Nga DOSJA
Maroku i zemëruar me gjykimin, bojkoton ceremoninë e medaljeve

KATAR - Maroku përfundoi shumë i zemëruar pas përfundimit të ndeshjes për vendin e tretë dhe të katërt. Lojtarët u vunë pas arbitrit sapo mbaroi ndeshja, për të kërkuar shpjegime për një sërë vendimesh, që sipas tyre nuk ishin të drejta. Regragui duhej të shfaqej për të qetësuar atmosferën dhe për t'u kërkuar futbollistëve të tij të largoheshin nga arbitri.

Marokeni që përfundoi më i zemëruar ishte Achraf Hakimi. Mbrojtësi i PSG-së ishte ai që debatoi më shumë me arbitrin dhe ai që teksa shkoi në tunelin e dhomës së zhveshjes, nuk pushoi së kritikuari vendimet me të gjithë personelin e FIFA-s që ishte në rrugë.

Maroku vendosi të mos presë që t'i jepen medaljet Kroacisë, duke bojkotuar ceremoninë e eventin që u zhvillua në fushën e stadiumit Al Khelaifi.

B.T (Dosja.al)

Sondazh

Poll