Bota

Shfaqet si astronaut, boksier dhe shofer makinash/ Donald Trump publikon kartat NFT me imazhin e tij, shitje rekord brenda 24 orëve

Ashtu si me NFT-të e tjera, blerësi ka pronësinë e kartës specifike dixhitale Trump, por vetë imazhi mund të kopjohet dhe shpërndahet gjerësisht nga kushdo në internet.

17 Dhjetor 2022, 16:19 Nga a.l
Shfaqet si astronaut, boksier dhe shofer makinash/ Donald Trump publikon kartat
NFT cards

SHBA- Koleksioni i kartave të tregtimit dixhital të ish-presidentit amerikan Donald Trump është shitur në më pak se një ditë, duke arritur në 4.5 milionë dollarë nga shitjet. Të mërkurën, Trump paralajmëroi fansat për një njoftim të madh në platformën e tij të mediave sociale. 

Një ditë më vonë, presidenti i 45-të i Shteteve të Bashkuara zbuloi se ai po ofronte "karta artisitike të Jetës dhe Karrierës sw tij". Kartat përfshijnë ish-komandantin e përgjithshëm 76-vjeçar në një ring boksi, duke u përgatitur për të luftuar, si një shofer makinash garash, një astronaut dhe në një fushë futbolli. Çdo kartë ka numrin e tij presidencial, 45, të stampuar në të.

Shenjat e pandryshueshme NFT (është një identifikues dixhital unik që nuk mund të kopjohet ose zëvendësohet) ishin në shitje në tregun Opensea. Faqja tha të premten se kartat ishin shitur. Kostoja për NFT-të ishte 99 dollarë secila dhe 45,000 u vunë në shitje. Ashtu si me NFT-të e tjera, blerësi ka pronësinë e kartës specifike dixhitale Trump, por vetë imazhi mund të kopjohet dhe shpërndahet gjerësisht nga kushdo në internet.

Ndërsa natyra e imazheve dixhitale do të thotë se ka një furnizim të pakufishëm për sa kohë që përdoruesi di të klikojë dhe të ruajë, ofrohej një furnizim i kufizuar i NFT-ve si pjesë e lançimit. Disa imazhe kishin vetëm një NFT të lidhur me to, ndërsa të tjera kishin 20 në shitje.

Njerëzit që blenë kartat gjithashtu hynë në një konkurs për të fituar çmime duke përfshirë darkën në Mar-a-Lago me Trump, golf me ish-presidentin ose një telefonatë Zoom. Kjo vjen në një kohë kur Trump po përballet me presion të shtuar ligjor ndërsa çështjet gjyqësore përparojnë mbi bizneset e tij, dhe komiteti i përzgjedhur i Dhomës së Përfaqësuesve të 6 janarit po shqyrton një referim penal kundër tij për pengim të Kongresit, shkruan the Guardian. 

Trump është përballur gjithashtu me presion brenda partisë republikane pasi njoftoi planet për të kandiduar për nominimin e GOP në 2024, mes një rezultati të dobët për republikanët në zgjedhjet afatmesme në nëntor, për të cilin pjesërisht i është fajësuar Trump./Dosja.al

donald trump

Sondazh

Poll

MË SHUMË