Aktualitet

Lëvizte me armë në makinë te 'Komuna e Parisit', arrestohet subjekti i OFL-së, Valentino Kaçorri (VIDEO)

Policia lokalizoi Kaçorrin në zonën e quajtur “Komuna e Parisit”. Ata bënë ndalimin e automjetit, e më pas u zbulua se 44-vjeçari ishte i pajisur një armë zjarri pistoletë.

17 Dhjetor 2022, 10:37 Nga A.B
Lëvizte me armë në makinë te 'Komuna e Parisit',
Forcat 'Shqiponja' shoqerojne Valentin Kacorrin

TIRANË- Arrestohet në kryeqytet Valentin Kaçorri. Forca e Posaçme “Shqiponja” dhe Komisariati i Policisë Nr. 2 në Tiranë, finalizuan operacionin policor të koduar "Sinjali", duke vënë në pranga 44-vjeçarin që qarkullonte me armë zjarri pistoletë.

Policia lokalizoi Kaçorrin në zonën e quajtur “Komuna e Parisit”. Ata bënë ndalimin e automjetit, e më pas u zbulua se 44-vjeçari ishte i pajisur një armë zjarri pistoletë, e cila u sekuestrua në cilësinë e provës materiale. Në përfundim të veprimeve u bë arrestimi në flagrancë i Kaçorrit, i cili do të hetohet për veprën penale "Mbajtja pa leje dhe prodhimi i armëve, armëve shpërthyese dhe i municionit”.

Kaçorri rezulton se ka qenë i dënuar në Itali për vrasje dhe trafik armësh, ndërsa në vitin 2020 ka qenë edhe subjekt i OFL-së.


NJOFTIMI I POLICISË:

Tiranë/Finalizohet nga Forca e Posaçme “Shqiponja” dhe Komisariati i Policisë Nr. 2, operacioni policor i koduar "Sinjali", për goditjen e veprimtarisë kriminale të armëmbajtjes pa leje. Arrestohet në flagrancë 44-vjeçari që qarkullonte me armë zjarri pistoletë. Sekuestrohet arma e zjarrit pistoletë.

Shërbimet e Forcës së Posaçme "Shqiponja", në bashkëpunim me Komisariatin e Policisë Nr. 2, në vijim të punës për evidentimin dhe goditjen e rasteve të armëmbajtjes pa leje, bazuar dhe në inteligjencën informative, kanë organizuar dhe finalizuar operacionin policor të koduar “Sinjali”. Gjatë operacionit, në zonën e quajtur “Komuna e Parisit”, shërbimet e Policisë kanë lokalizuar dhe ndaluar automjetin me drejtues shtetasin V. K. Gjatë kontrollit fizik, shërbimet e Policisë i kanë gjetur këtij shtetasi një armë zjarri pistoletë, e cila u sekuestrua në cilësinë e provës materiale. Në përfundim të veprimeve u bë arrestimi në flagrancë i shtetasit V. K., 44 vjeç, banues në Tiranë dhe materialet procedurale i kaluan Prokurorisë, për veprime të mëtejshme, për veprën penale "Mbajtja pa leje dhe prodhimi i armëve, armëve shpërthyese dhe i municionit”.

valentin kacorri arrestim ne tirane operacioni sinjali

Sondazh

Poll

MË SHUMË