Bota

'Ukrainasit do të vdesin nga i ftohti'/ Guvernatori i Donestk: Rusia po vazhdon bombardimet në rrjetin elektrik 

Guvernatori i rajonit Lindor të Donestk ka ngritur alarmin se njerëzit rrezikojnë të vdesin nga i ftohti. 

15 Dhjetor 2022, 10:53 Nga a.l
'Ukrainasit do të vdesin nga i ftohti'/ Guvernatori i Donestk:
lufta në Ukrainë

UKRAINË- Sulmet e vazhdueshme të Rusisë ndaj Ukrainës në infrastrukturën energjetike kanë lënë mijëra ukrainas pa energji në mes të të ftohtit dimëror. Guvernatori i rajonit Lindor të Donestk ka ngritur alarmin se njerëzit rrezikojnë të vdesin nga i ftohti. 

Pavlo Kyrylenko tha se autoritetet ukrainase po bëjnë gjithçka që munden për të siguruar dru zjarri dhe soba për banorët që ende jetojnë në qytetet dhe fshatrat e vijës së parë në provincën e tij që nuk kanë energji elektrike, gaz ose ujë të rrjedhshëm në temperatura nën zero, shkruan SkyNews. 

Por ai tha se intensiteti i bombardimeve ruse do të thotë se është shumë e vështirë të riparohet infrastruktura, kështu që njerëzit sipas tij gjenden në kohët më të këqija dhe më të vështira. Qendrat specialetë njohura si "pikat e pathyeshmërisë" që ofrojnë një burim energjie elektrike dhe ngrohtësie, po shpërndahen gjithashtu edhe në zonat ku ka luftime.

“Por armiku e kupton këtë… dhe armiku po qëllon dhe lëshon sulme me raketa pikërisht në këto pika ngrohjeje”, tha  Kyrylenko, duke folur në qytetin e Kramatorsk.

Guvernatori, i veshur me rrobe ushtarake, tha se luftimet më të ashpra të luftës aktualisht janë duke u zhvilluar rreth qytetit Bakhmut në provincën e tij, ku forcat ruse po përpiqen të thyejnë linjat ukrainase. Por guvernatori i Donestk u shpreh i bindur se nuk do të kenë sukses./ Dosja.al

lufta ne ukraine pavlo kyrylenko

Sondazh

Poll

MË SHUMË