Sport

Rikthehet të flasë Luis Enrique: “Dua ta fitojë Botërorin Argjentina prej Messit...”

Në një rrëfim 360 gradë, ish-trajneri i Spanjës analizon ekipin e tij, të ardhmen dhe lojtarët që i bën më te për përshtypje në këtë Kampionat Botëror

13 Dhjetor 2022, 13:23 Nga DOSJA
Rikthehet të flasë Luis Enrique: “Dua ta fitojë

SPANJE - Luis Enrique, i takon të shkuarës së pankinës të kombëtares së Spanjës pas eliminimit nga Maroku. Trajneri veteran foli për herë të parë që nga largimi nga Roja dhe preku gjithçka që nga biseda e tij me Luis Rubiales, presidentin e Federatës, tek roli i “La Rohas” në Botërorin e Katarit, i preferuari i ekipit në organizim dhe... Harry Potter apo Pedro.

“E keqja është se në 90 minuta ose 120, siç ndodh, gjithçka mund të shkojë në ferr. Nuk luajtëm mirë kundër Marokut, por kam një lexim pozitiv të asaj që ishte Kupa e Botës. Unë kam katër vite me kombëtaren dhe tani është koha për të bërë llogaritë, jam shumë i qetë me gjithçka kam bërë dhe gjithçka që kam provuar. Kemi arritur të krijojmë emocione dhe dëshirë për ta parë sërish skuadrën”, theksoi fillimisht ai, duke bërë një bilanc të pranisë së tij katërvjeçare në stol.

Për listën e lojtarëve që mori me vete në Katar, ai theksoi se ka një person që do ta linte jashtë: “Sigurisht që mund të kishim bërë më mirë. U përpoqa të merrja më të mirët dhe ato që mendoja se mishëronin idenë time. Shumica e vendimeve në listë janë pas marrëveshjes edhe me stafin tim. Do të doja të bëja një ndryshim, një të tillë nuk do ta merrja, do të hiqja një dhe do të vendosja një tjetër”.

Biseda e tij me Luis Rubiales pas Kupës së Botës: “Kisha nënshkruar një kontratë katërvjeçare. Pas Kampionatit Evropian ata donin të më rinovonin, por unë thashë se do të presim pas Botërorit për të biseduar. Asnjë negocim nuk është bërë. Më thanë se nuk do të bëhej asnjë ofertë, kështu që nuk kisha asnjë vendim për të marrë. Mendova se do të më duhej të merrja një vendim, por në fund nuk ishte e nevojshme”.

“Do të doja që Argjentina të fitonte për shkak të asaj që Messi do të thotë për futbollin”

“Në nivel futbolli, mendoj se kemi humbur një mundësi të madhe dhe ndihem keq për këta lojtarë. Në fazën e parë mendoj se ishim në një nivel shumë të mirë përveç atyre 12 minutave kundër Japonisë. Skuadra e lojtarëve ishte shumë e mirë. Unë shikoj gjysmëfinalen dhe nuk shoh njeri më të mirë se ne”.

Për të ardhmen e tij: “Kombëtarja ishte një ëndërr. Kjo fazë ka përfunduar dhe do të pres fillimin e sezonit të ardhshëm. Një derë mbyllet por një dritare hapet. U ndjeva shumë i vlerësuar. Jam në një pikë të karrierës sime ku e shoh veten se dua të shkoj në një klub dhe të jem në gjendje të ndërtoj pikërisht mbi atë që kam bërë në ekipin kombëtar”.

Për pasardhësin e tij: "Luis de la Fuente është një fenomen, unë i besoj plotësisht atij"

Favoriti i tij në Kupën e Botës: “Askush nuk do të befasohet nëse Maroku arrin në finale. Shikoni sa e çmendur, por ia vlen plotësisht. Nëse më duhet të zgjedh, do të doja që Argjentina të fitonte për shkak të asaj që Leo Messi do të thotë për futbollin.”

Për lojtarët që u dalluan në garë, ai tha: “Amrabad ishte në një nivel shumë të lartë. Maroku ka katër lojtarë në një nivel spektakolar. Ziyesh ishte shumë i mirë, numri "8" emri i të cilit nuk më kujtohet. Për mua Pedri është Harry Potter, ai është një mrekulli, shikojeni atë duke luajtur edhe në momente të vështira... Gjëja më e afërt që kam parë është Iniesta, por nuk ka krahasim”.

B.T (Dosja.al)

Sondazh

Poll

MË SHUMË