Bota

'KFOR-i kërkoi kohë për heqjen e barikadave'/ Kurti: Rruga më e mirë për zgjidhjen e situatës

Ai i ka bërë thirrje KFOR’it që të garantojë lirinë e lëvizjes për të gjithë.

11 Dhjetor 2022, 14:29 Nga a.l
'KFOR-i kërkoi kohë për heqjen e barikadave'/ Kurti:
Albin kurti

KOSOVË-  Pas përfundimit të Këshilit të Sigurisë, kryeministri i Kosovës, Albin Kurti deklaroi se KFOR’i u ka kërkuar pak kohë për heqjen e barrikadave. Ai gjithashtu deklaroi për mediat se po presin, pasi beson se kjo është rruga më e mirë e mundshme për zgjidhjen e situatës.

“KFOR po kërkon pak kohë që shpejt ta kryej këtë punë dhe ne po presim. Nëse pritja jonë për KFOR’in është zbutje, le të quhet zbutje. Por për të mirën e përgjishme, besoj që megjithatë jemi duke e zgjedhur rrugën më të mirë të mundshme”, deklaroi Kurti në një konferencë për media, pas mbledhjes së Këshillit të Sigurisë.

Kurti e quajti bllokimin e rrugëve si të papranueshëm, teksa u shpreh se s’duhet të përsëritet në të ardhmen. Ai i ka bërë thirrje KFOR’it që të garantojë lirinë e lëvizjes për të gjithë.

“Ne i bëjmë edhe njëherë thirrje KFOR’it që ta garantojë lirinë e lëvizjes. KFOR’i në Kosovë është për një ambient të qetë dhe të sigurtë, i cili nënkupton edhe lirinë e lëvizjes pa dallim. Bllokimi i lëvizjes, bllokimi i rrugëve publike me automjete të rënda për të penguar lirinë e lëvizjes, nga banda kriminale që qëllojnë mbi Policinë tonë e mbi policinë e EULEX’it, jo vetëm që është i papranueshëm, por duhet edhe të jetë i papërsëritshëm kurdoherë në të ardhmen. Andaj ne po presim”, tha Kurti.

Në zhvillimet e fundit, mediat e Kosovës kanë raportuar për një shpërthim me bombë në patrullën e EULEX-it. Një reagim e ka patur edhe ambasadori i SHBA-ve në Kosovë, i cili i cilësoi sulmet ndaj EULEX dhe policisë së Kosovës si të papranueshme.

tensionet në veri të kosovës albin kurti

Sondazh

Poll

MË SHUMË