Aktualitet

'Fushë-Kruja përmbytet nga hapja e Portave të Bovillës'/ Prefektura e Durrësit tërheq deklaratën: Shkak janë bërë vetëm reshjet e shiut

Ndër të tjera në njoftim thuhet se niveli në liqenin e Bovillës është -9m nga kuota maksimale e tij.

11 Dhjetor 2022, 14:04 Nga a.l
'Fushë-Kruja përmbytet nga hapja e Portave të
Durrës

DURRËS-  Prefektura e Durrësit është tërhequr nga deklarata e bërë më parë, ku tha se përmbytjet në Fushë Krujë ishin shkaktuar nga hapja e Portave të Bovillës. Përmes një postimi tjetër të bërë në rrjete sociale, sqarohet se dalja e lumit Ishëm ka ardhur si pasojë e rreshjeve me intesitet të lartë gjatë natës dhe jo nga hapja e Portave të Bovillës. Ndër të tjera në njoftim thuhet se niveli në liqenin e Bovillës është -9m nga kuota maksimale e tij.

“Sqarojmë se lajmi i përhapur  në media sot në mëngjes se përmbytjet në zonën e Fushë Krujës kanë ardhur si pasojë e hapjes së portës së liqenit të Bovillës NUK ËSHTË I SAKTË. Saktësojmë, se dalja e lumit Ishëm ka ardhur si pasojë e rreshjeve me intesitet të lartë gjatë natës. Edhe njëherë, konfirmojmë se niveli në liqenin e Bovillës është -9m nga kuota maksimale e tij. Institucioni i Prefektit kërkon ndjesë për këtë informacion të pasaktë që është përhapur në media. Ju Faleminderit” thuhet në postim.

Përkeqësimi i motit, ka shkaktuar probleme në disa zona të vendit. Shtimi i reshjeve ka sjellë edhe daljen e lumit Ishëm nga shtrati gjatë natës, duke shkaktuar përmbytje në disa zona në Fushë-Krujë. Uji ka mbuluar sipërfaqe të mëdha tokash bujqësore kryesisht në fshatin Murqinë dhe Mallkuç. Aktualisht janë disa banesa të rrethuara nga uji rreth në fshatin Murqinë dhe Mallkuç. Rruga e Arbrit është bërë e pakalueshme si pasojë e rrëshqitjes së inerteve dhe gurëve. Diga e ujit në fshatin Hundëkuq është çarrë dhe rrugët rrezikojnë të përmbyten. Në Vlorë lundrimi është pezulluar. Në Tepelenë gjithashtu disa akse rrugore janë bllokuar, si edhe ajo që të çon në fshatin Kurvelesh. Në Korçë 15 fshatra kanë mbetur pa energji elektrike./Dosja.al 

permbytet shqiperia 2022

Sondazh

Poll

MË SHUMË