Aktualitet

'Këtu po shemben ndërtesat'/ Banorët e Bërxullës sërish në protestë: Nuk kanë njoftuar asnjë

Ata shprehen se banesat po vijojnë të shemben dhe se nuk janë njoftuar për një ndërhyrje të tillë flagrante nga ana e Bashkisë. 

11 Dhjetor 2022, 11:53 Nga a.l
'Këtu po shemben ndërtesat'/ Banorët e
Banorët e Bërxullës

TIRANË- Banorët e fshatit Bërxullë, pronat e së cilëve preken nga autostrada Thumanë-Kashar, kanë protestuar sërish sot duke akuzuar edhe njëherë qeverinë për projektin ku firma e ndërtimit po kryen punime pa leje. Ata shprehen se banesat po vijojnë të shemben dhe se nuk janë njoftuar për një ndërhyrje të tillë flagrante nga ana e Bashkisë. 

"Pse nuk vjen këtu prefekti të shikojë problemet e njërëzve? Këtu po shemben banesat nuk janë njoftuar asnjë, nuk janë bërë legalizimet për banesat", tha banori. 

Edhe pse kanë më shumë se 2 muajsh që protestojnë, asnjë deputet i majtë apo i djathtë nuk është afruar për të mbështetur banorët e Bërxullit ndaj ata deklarojnë se do të bojkotojnë zgjedhjet vendore. Banorët e Bërxullit tanimë e kanë vendosur se nuk do të marrin pjesë në zgjdhjet e 14 majit ndërsa shprehen të vendosur se tokat e tyre nuk do t’i lëshojnë pa u kompensuar me çmimin e tregut./Dosja.al

banoret e berxulles ne proteste

Sondazh

Poll