Aktualitet

Priten përkeqësime/ Lumi Vjosa rrezikon të dalë nga shtrati, rritet niveli i ujit (VIDEO)

Deri tani niveli i ujit është rritur 5.82 metra, ku  në 6.10 metra mund të shkohet në përmbytjen e pazarit te vjeter poshte urës së Mifolit.

11 Dhjetor 2022, 12:12 Nga a.l
Priten përkeqësime/ Lumi Vjosa rrezikon të dalë nga shtrati,
Vjosë

VLORË- Moti i keq dhe reshjet e denura të shiut që kanë nisur që prej mbrëmjes së djeshme dhe anë vijuar gjatë ditës së sotme kanë bërë që niveli i ujit në lumin Vjosë të rritet. Mësohet se deri tani niveli i ujit është rritur 5.82 metra, ku në 6.10 metra mund të shkohet në përmbytjen e pazarit te vjeter poshte urës së Mifolit.

Me përkeqësimin e motit dhe reshjeve të dendura të shiut, lumi rrezikon të dalë nga shtrati dhe të shkaktojë përmbytje. 


Përkeqësimi i motit, ka shkaktuar probleme në disa zona të vendit. Shtimi i reshjeve ka sjellë edhe daljen e lumit Ishëm nga shtrati gjatë natës, duke shkaktuar përmbytje në disa zona në Fushë-Krujë. Uji ka mbuluar sipërfaqe të mëdha tokash bujqësore kryesisht në fshatin Murqinë dhe Mallkuç. Aktualisht janë disa banesa të rrethuara nga uji rreth në fshatin Murqinë dhe Mallkuç. Rruga e Arbrit është bërë e pakalueshme si pasojë e rrëshqitjes së inerteve dhe gurëve. Diga e ujit në fshatin Hundëkuq është çarrë dhe rrugët rrezikojnë të përmbyten. Në Vlorë lundrimi është pezulluar. Në Tepelenë gjithashtu disa akse rrugore janë bllokuar, si edhe ajo që të çon në fshatin Kurvelesh. Në Korçë 15 fshatra kanë mbetur pa energji elektrike./Dosja.al 

permbytet shqiperia 2022

Sondazh

Poll

MË SHUMË