Aktualitet

Bllokohet aksi Burrel-Milot, reshjet e dendura të shiut shkaktojnë rrëshqitje gurësh

Aktualisht po punohet për të pastruar rrugën. Mësohet gjithashtu se, reshjet e mëdha të shiut gjithashtu kanë fryrë edhe liqenin e HEC-it të Shkopetit.

11 Dhjetor 2022, 11:20 Nga a.l
Bllokohet aksi Burrel-Milot, reshjet e dendura të shiut shkaktojnë
Krujë

KRUJË- Aksi rrugor Burrel -Milot është bllokuar nga inertet dhe gurët si pasojë e reshjeve të dendura të shiut. Për pasojë ku aks aktualisht për automjetet që kalojnë, bëhet  burim aksidentesh dhe duke rrezikuar drejtuesit e automjeteve. Aktualisht po punohet për të pastruar rrugën. Mësohet gjithashtu se, reshjet e mëdha të shiut gjithashtu kanë fryrë edhe liqenin e HEC-it të Shkopetit.

Përkeqësimi i motit, ka shkaktuar probleme në disa zona të vendit. Shtimi i reshjeve ka sjellë edhe daljen e lumit Ishëm nga shtrati gjatë natës, duke shkaktuar përmbytje në disa zona në Fushë-Krujë. Uji ka mbuluar sipërfaqe të mëdha tokash bujqësore kryesisht në fshatin Murqinë dhe Mallkuç. Aktualisht janë disa banesa të rrethuara nga uji rreth në fshatin Murqinë dhe Mallkuç. Rruga e Arbrit është bërë e pakalueshme si pasojë e rrëshqitjes së inerteve dhe gurëve. Diga e ujit në fshatin Hundëkuq është çarrë dhe rrugët rrezikojnë të përmbyten. Në Vlorë lundrimi është pezulluar. Në Tepelenë gjithashtu disa akse rrugore janë bllokuar, si edhe ajo që të çon në fshatin Kurvelesh. Në Korçë 15 fshatra kanë mbetur pa energji elektrike./Dosja.al 

permbytet shqiperia 2022

Sondazh

Poll

MË SHUMË