Bota

Panik në Spanjë/ Gjenden sërish zarfe misterioze me sy kafshësh, 'mesazh' për diplomatët ukrainas

Diplomati saktësoi se numri i përgjithshëm i kërcënimeve të këtij lloji ndaj selisë diplomatike të Ukrainës arriti në 21 në 12 vende.

5 Dhjetor 2022, 13:38 Nga a.l
Panik në Spanjë/ Gjenden sërish zarfe misterioze me sy
Spanjë

SPANJË- Policia spanjolle zbuloi tre zarfe të tjera misterioze drejtuar përfaqësive të ndryshme diplomatike ukrainase në vend që përmbanin sy kafshësh. Lajmin e ka bërë të ditur zëdhënësi i Ministrisë së Jashtme të Ukrainës, Oleg Nikolenko.

“Policia spanjolle sekuestroi tre zarfe në zyrën postare me sy të kafshëve që besohet se i drejtoheshin ambasadës ukrainase në Madrid, konsullatës së përgjithshme në Barcelonë dhe konsullatës në Malaga”, shkroi ai në rrjetet sociale.

Diplomati saktësoi se numri i përgjithshëm i kërcënimeve të këtij lloji ndaj selisë diplomatike të Ukrainës arriti në 21 në 12 vende. Siç raportojnë edhe mediat e huaja, më 2 dhjetor, zëdhënësi raportoi se tetë misione diplomatike ukrainase morën pako të përgjakshme me sy kafshësh. Më parë, pako me bomba u dërguan në Ambasadën e Ukrainës në Madrid , në kompaninë e armëve Instalaza, në Ministrinë spanjolle të Mbrojtjes dhe në bazën ajrore Torrejón de Ardoz. Për më tepër, më 24 nëntor, Policia spanjolle kapi një zarf që dyshohet se përmban një "substancë piroteknike" drejtuar Presidentit të Qeverisë së Spanjës, Pedro Sánchez . Më vonë doli se një pako tjetër, që supozohet se përmbante eksploziv, u gjet në ambasadën amerikane në Madrid. Më pas, skuadra e policisë për bomba ka shpërthyer pakon e dyshimtë./Dosja.al

zarfe ne spanje

Sondazh

Poll

MË SHUMË