Bota

Katastrofë në Kolumbi/ Rrëshqitja e dheut 'gropos' autobusin, vdesin 3 persona, mes tyre 1 fëmijë

Në bordin e autobusit ndodheshin 25 persona, të cilët udhëtonin nga qyteti i Calit, i cili u varros nga rrëshqitja e dheut.

5 Dhjetor 2022, 11:06 Nga a.l
Katastrofë në Kolumbi/ Rrëshqitja e dheut 'gropos'
rrëshqitja e dheut në Kolumbi

BRAZIL- Një ngjarje e rëndë është shënuar në Kolumbi, teksa rrëshqitja e dhet në një zonë të largët të Pueblo Rico ka shkaktuar katastrofa në njerëz, pasi deri më tani raportohen se kanë vdekur 3 persona mes tyre një fëmijë. Sipas mediave të huaja, 20 persona të tjerë rezultojnë të humbur pasi rrëshqitja e dheut në një nga rrugët e kësaj zonë ka rrëzuar poshtë një autobus me pasagjerë. 

"Nëntë të shpëtuar, tre viktima dhe rreth 20 të cilët mbeten për t'u gjetur. Është një tragjedi," shkroi Presidenti Gustavo Petro në Tëitter.

Një i mbijetuar tha se shoferi i autobusit arriti të shmangte më të keqen e rrëshqitjes së dheut.

"Një pjesë e tij po zbriste dhe autobusi ishte pak prapa. Shoferi i autobusit ishte duke u mbështetur kur gjithçka u rrëzua," tha Andres Ibarguen për radio stacionin Lloro Stereo.

Në bordin e autobusit ndodheshin 25 persona, të cilët udhëtonin nga qyteti i Calit, i cili u varros nga rrëshqitja e dheut. Njësia Kombëtare për Menaxhimin e Rrezikut të Fatkeqësive (UNGRD) tha se një fëmijë nën moshën shtatë vjeç ishte në mesin e të vrarëve. Mediat e huaja dhe ato vendase raportojnë se, zona ishte në rrezik shumë të lartë të lëvizjes masive të dheut, e ndikuar nga fenomeni oqeanik dhe atmosferik 'La Niña'. 

Ky sezon me shi që filloi në gusht është më i keqi i Kolumbisë në 40 vjet, sipas qeverisë, duke shkaktuar aksidente që kanë lënë më shumë se 270 njerëz të vdekur./ Dosja.al

rreshqitja e dheut ne kolumbi

Sondazh

Poll

MË SHUMË