Aktualitet

“Nikolin Gjolena” kod i trafikantëve? SPAK gjen policin e implikuar në kokainën e Fierit, LIDHJA e tij me grupin

Nikolin Gjolena konsiderohej edhe si financues i blerjes së lëndës narkotike, komunikon me një efektiv policie duke i dërguar në numrin e tij të punës vetëm emrin e tij.

4 Dhjetor 2022, 17:27 Nga k.m.
“Nikolin Gjolena” kod i trafikantëve? SPAK gjen policin e
Viktor Çervanaku

TIRANË- Edhe pse faza e parë e operacionit për kapjen e laboratorit të kokainës në Fieri është finalizuar, detaje të reja zbulohen çdo ditë nga përgjimet e grupit. Së fundmi është zbuluar se Nikolin Gjolena konsiderohej edhe si financues i blerjes së lëndës narkotike, komunikon me një efektiv policie duke i dërguar në numrin e tij të punës vetëm emrin e tij.

Por burime bëjnë me dije se sipas hetuesve, dyshimet janë se teksti me mbishkrimin "Nikolin Gjolena", është një kod. Një ditë pas komunikimit me Gjolenën, efektivi, që sipas SPAK është verifikuar, ka komunikuar edhe me Viktor Çervanakun.

Lajmi për drogën u publikua fillimisht nga mediat malazeze, pasi në portin e Tivarit prej muajsh 24 ton pleh kimik i përzierë me 430 kilogramë kokainë priste për marrësin. Kur ky i fundit shkoi në port, ndërhyri DEA dhe u bë arrestimi i tij. Më pas u organizua operacioni për prangosjen e personave të tjerë në Shqipëri. Deri më tani janë arrestuar: Zenel Cervanaku, i cili akuzohet se është edhe porositësi i kësaj sasie kokaine; Viktor Çervanaku, ish-kryetari i komunës së Frakullit, djali i tij së bashku me të fejuarën, Denilson Çervenaku dhe Enxhi Ferhati; Klajdi Vrioni (Kodra), 32 vjeç, i dënuar më parë për armëmbajtje pa leje dhe për plagosje të rëndë; Redion Meshi, 22 vjeç; Marildo Rona, Nikolin Gjolena, Julian Malaj dhe Bledar Matoshi. Në kërkim është shpallur kolumbiani Zaimir Rodrigez, i cili dyshohet se kishte ardhur në Shqipëri për të bërë ndarjen e kokainës nga plehu kimik. Në kuadër të këtij operacioni u sekuestruan 15,910 Euro; 3 armë zjarri automatik kallashnikov; 3 armë zjarri të llojit pistoletë; 108 copë fishekë luftarake të kalibrave të ndryshëm; 18 aparate telefonash celulare; 5 automjete; 2 laptop dhe 2 armë gjahu.

nikolin gjolena laborator kokaine ne fier viktor Çervanaku

Sondazh

Poll

Aktualitet 4 Dhjetor 2022, 15:02 k.m.

ME VIDEO: Shembet Prestige Resort 

KAVAJË- Inspektorati i Mbrojtjes së Territorit në bashkëpunim me forcat e Policisë së Shtetit dhe forcat xheniere shembën m...

MË SHUMË