Bota

Protestuesit iranianë festojnë eliminimin e ekipit të tyre të futbollit nga Botërori Katar 2022

Videot treguan njerëz që kërcenin në rrugë dhe i binin borive të makinave në Teheran dhe disa qytete të tjera të martën mbrëma. Shumë iranianë refuzuan të mbështesin ekipin e tyre të futbollit në Katar, duke e parë atë si një përfaqësi të Republikës Islamike.

30 Nëntor 2022, 14:46 Nga d.a.
Protestuesit iranianë festojnë eliminimin e ekipit të tyre
Protestuesit ne iran

IRAN- Protestuesit antiqeveritar në Iran kanë festuar eliminimin e ekipit kombëtar të futbollit nga Kupa e Botës, pas humbjes 1-0 ndaj SHBA-së.

Sipas BBC, videot treguan njerëz që kërcenin në rrugë dhe i binin borive të makinave në Teheran dhe disa qytete të tjera të martën mbrëma. Shumë iranianë refuzuan të mbështesin ekipin e tyre të futbollit në Katar, duke e parë atë si një përfaqësi të Republikës Islamike.

Mediat e lidhura me shtetin fajësuan forcat armiqësore brenda dhe jashtë Iranit për presion të padrejtë ndaj lojtarëve. Lojtarët nuk e kënduan himnin kombëtar para ndeshjes së tyre të parë , një humbje 6-2 nga Anglia, në një shprehje të dukshme solidariteti me protestuesit.

Por ata kënduan në ndeshjen e Uellsit, të cilën e fituan 2-0, dhe në përballjen e ngarkuar politikisht kundër SHBA-së. Disa protestues e panë këtë si një tradhti ndaj kauzës së tyre edhe pse kishte raportime se ekipi ishte nën presion të fortë nga autoritetet iraniane.

Trazirat nisën 10 javë më parë pas vdekjes në paraburgim të Mahsa Amini, një gruaje 22-vjeçare e arrestuar nga policia e moralit në Teheran për shkeljen e dyshuar të rregullave strikte që u kërkonin grave të mbulonin flokët me hixhab.

Autoritetet i janë përgjigjur asaj që ata i kanë portretizuar si "trazira" të mbështetura nga të huajt me një goditje të dhunshme në të cilën aktivistët e të drejtave të njeriut thonë se të paktën 450 njerëz janë vrarë, përfshirë 60 fëmijë. Më shumë se 18,000 të tjerë raportohet se janë arrestuar.

Një video e postuar në internet të martën mbrëma duket se tregonte dhjetëra njerëz që festonin humbjen e ekipit iranian të futbollit në një shesh në qytetin e lindjes së Mahsa Amini, Saqqez, në veriperëndim të vendit. Ata mund të dëgjohen duke brohoritur dhe duke tundur shamitë përpara se të nisin fishekzjarret.

Turmat u filmuan duke kërcyer nën muzikë në Sanandaj, një epiqendër e trazirave, ndërsa në Kermanshah dhe Marivan u dëgjuan duke brohoritur "Grua, jetë, liri", një nga parullat kryesore të protestave.

mahsa amini protesta ne iran kupa e botes katar 2022

Sondazh

Poll

MË SHUMË