Sport

Marok - Kroaci/ Modric ka mbetur me pak shokë, vetëm tetë nga Botërori i Rusisë. ‘Luanët e Atlasit’ kërkojnë 16-shen…

Katërshja fantastike, Modric, Brozovic, Kovacic dhe Perisic, janë baza mbi të cilën është ndërtuar gjithçka në Kroaci. Por bie në sy, si zakonisht, mungesa e një ‘vrasësi’ të nivelit të lartë në sulm.

23 Nëntor 2022, 09:52 Nga DOSJA

Marok - Kroaci/ Modric ka mbetur me pak shokë, vetëm tetë nga

KATAR - Maroku dhe Kroacia, sot në orën 11:00, në ‘Al Bayt Stadium’ bëjnë debutimin e tyre në këtë Botëror në grupin F, duke premtuar një paraqitje që të jetë emocionuese deri në ditën e fundit. Nënkampionia e botës, me vetëm tetë nga lojtarët që prekën lavdinë në Rusi, mat vlerën e një prej skuadrave të thirrura për të qenë një zbulim në këtë Botëror.

Si mbërrin Maroku? ‘Luanët e Atlasit’ përballen për herë të gjashtë në historinë e tyre në një Kupë Botërore, me synimin për të bërë një hap përpara dhe për t'u futur në ‘Top- 16’. Ata e arritën këtë 36 vjet më parë në Meksikë, dhe tani ata mbërrijnë në tokat e Katarit me një grup më të pjekur dhe me lojtarë që kanë kaluar nga premtimet në realitete autentike të nivelit të lartë. Ata arritën në grupin e tyre kualifikues me fitore të plota dhe mposhtën edhe Republikën Demokratike të Kongos, që u dha biletën e fundit për të qenë në Doha.

Ja dhe përbërjet e mundshme të dy skuadrave:

Marok - Kroaci/ Modric ka mbetur me pak shokë, vetëm tetë nga

Si arrin Kroacia? Ndryshimi i brezit në nënkampionët e botës është tashmë një realitet dhe vetëm tetë nga ata të Rusisë e kanë përfituar thirrjen. Katërshja fantastike, Modric, Brozovic, Kovacic dhe Perisic, janë baza mbi të cilën është ndërtuar gjithçka në Kroaci. Por bie në sy, si zakonisht, mungesa e një ‘vrasësi’ të nivelit të lartë në sulm. Në fazën kualifikuese përfunduan të parët në grup, me vetëm një humbje dhe katër gola të pasuar.

Dueli i ndeshjes, Ziyech kundër Perisic? Dy golashënuesit më të mirë të të dyja kombëtareve, të Marokut dhe Kroacisë. I pari, pavarësisht se ka disa sezone të dobëta që nga ardhja e tij te Chelsea, synon të jetë një nga referencat sulmuese për shkak të aftësisë së tij të lartë. I dyti, i përjetshëm dhe i palodhur kur vesh fanellën me katrore, është sigurimi i sulmit në fazat e fundit, me katër gola në Eurokupa dhe pesë në Botërorë.

B.T (Dosja.al)

Sondazh

Poll

MË SHUMË