Aktualitet

Sera e kanabisit në Berat/ Vihet nën hetim zinxhiri komandues i Policisë

Kjo pasi më datë 11 nëntor Policia zbuloi një serë kanabisi në të cilën ishin punësuar 105 persona kryesisht gra që mërreshin me përpunimin e kanabist. 

19 Nëntor 2022, 13:16 Nga e.k
Sera e kanabisit në Berat/ Vihet nën hetim zinxhiri komandues i
Pamje nga serat me drogë

BERAT- E gjithë zinxhiri komandues i Policisë së Beratit, të cilët kishin për detyrë të kontrollin fshatin Drenovicë të Beratit ku dhe u zbulua ferma e kanabist janë vënë nën hetim nga Drejtoria e Standartave në Policinë e Shtetit. Kjo pasi më datë 11 nëntor Policia zbuloi një serë kanabisi në të cilën ishin punësuar 105 persona kryesisht gra që mërreshin me përpunimin e kanabist. 

Askush nuk i kishte vënë re punëtorët që hynin e dilnin nga sera të pashqetësuar. Mes të arrestuarëve janë 11 persona që dyshohet se janë dhe organizatorët e këtij aktiviteti kriminal që nxorri 'zbuluar' Policinë e Shtetit. 

Ferma e kanabisit u zbulua më datë 11 nëntor pas një aksioni të Policisë. Deri më tani 105 persona kanë përfunduar në pranga, mes tyre 80 gra. Gratë që ishin punësuar në fermën e kanabisit janë kapur në flagrancë teksa po pastronin lëndën narkotike. Lënda narkotike prej 800 kilogramësh ishte mbjellë në një sipërfaqe prej 2 hektarësh dhe serat ku ndodhej kanabisi kanë qenë ngjitur me serat e domateve dhe perimeve të tjera të mbjella brenda tyre. Ndërkohë paketimi i lëndës narkotike bëhej po brenda fermës nga gratë e punësuara.

operacion antidroge ne berat policia e shtetit

Sondazh

Poll

MË SHUMË