Aktualitet

Panairi i Librit 2022/ Ndahen çmimet për veprat letrare, Zija Çela rrëmben “Autorin e vitit”

Juria përbëhej nga Virgjil Muçi, Aleksandër Cipa, Vjola Isufaj, Alina Karaulli dhe Agim Baçi.

19 Nëntor 2022, 12:53 Nga k.m.
Panairi i Librit 2022/ Ndahen çmimet për veprat letrare, Zija
Panairi i Librit

TIRANË- Ditën e sotme në përfundim të edicionit të vitit 2022 të Panairit të Librit janë ndarë sakaq edhe çmimet letrare për autorët dhe përkthyesit e këtij viti nga juria e cila përbëhej nga Virgjil Muçi, Aleksandër Cipa, Vjola Isufaj, Alina Karaulli dhe Agim Baçi.

Gjatë ndarjes së çmimeve shkrimtarja Natasha Poroçani mori vlerësimin për veprën e saj në letërsinë për fëmijë, me librin “Kalendari i ëndrrave të mollës”, ndërsa përkthyesja Klarita Lagji mori çmimin për përkthimin më të mirë nga frëngjishtja për realizimin në shqip të veprës “Vendi i Babait”, nga shkrimtarja nobeliste Annie Ernaux.

Sakaq, autori fitues për veprën më të mirë studimore u shpall Arben Imami për veprën e tij “3 format e mendimit, Mitologjia, Racionaliteti, Religjioni”, ndërsa çmimin për përkthimin më të mirë të vitit e mori Romeo Çollaku për përkthimin e veprës “Varfanjaku i Zotit” nga autori Nikos Kazanxaqis. Sa i përket çmimit për autorin e vitit, i cili u shpall nga kryebashkiaku Erion Veliaj, atë e mori autori Zija Çela për veprën e tij “Banka e Ankesave”.

panairi i librit 2022

Sondazh

Poll

MË SHUMË