Sport

“Katar 2022”/ Jérémie Peloso, parashikimet e të cilit konkurrojnë me oktapodin ‘Paul’...

Ndërmjetësi francez Jérémie Peloso pilotoi një studim parashikimi të rezultateve të Kupës së Botës në Katar. A do të bëjë ai më mirë se oktapodi Paul në 2010?

18 Nëntor 2022, 07:27 Nga DOSJA

“Katar 2022”/ Jérémie Peloso, parashikimet e të

FRANCE - Kush është Jérémie Peloso? Një konsulent francez në investimet e tregut brenda kompanisë BCA Research, 33 vjeç, emigrant në Quebec prej dhjetë vitesh, tifoz futbolli në përgjithësi. Në vitin 2018, ai mori pjesë në këtë projekt të nisur nga një prej shefave të tij, në frymën e asaj që ‘Goldman Sachs’ po propozon për botën e financave... Por këtë herë për futbollin. "Ajo që filloi si sfidë në 2018-ën u shndërrua në një projekt real,"- thotë Jérémie Peloso, e cila drejtoi grupin prej shtatë analistësh të përfshirë në projekt. Shpresojmë ta kthejmë këtë në një lloj tradite”.

Cila është metoda e tij? “Ne filluam nga një model statistikor bazë për të parashikuar rezultatet me tre opsione të mundshme. Pjesa më e vështirë ishte vendosja e variablave që, historikisht, janë në gjendje të parashikojnë më së miri rezultatet e ndeshjeve të Kupës së Botës. Ne u bazuam në katër mostra të zgjedhura, nga viti 2006 deri në vitin 2018, pra rreth 200 ndeshje, një kampion me përmasa shumë të mira. Ne testuam rreth pesëdhjetë variabla, duke kontrolluar se cilat prej tyre parashikuan më mirë rezultatet e Kupave të Botës së kaluar. Më në fund zgjodhëm katër për ndeshjet në grup dhe katër për ndeshjet me eliminim direkt”.

A funksionoi në 2018? “Jo shumë keq. Modeli i studimit të parë i dha një vend të rëndësishëm mesfushës, e cila kishte favorizuar formacionet spanjolle dhe gjermane.  Prandaj, modeli ynë nxorri Spanjën në finale kundër Francës dhe ‘La Roja’ fituese. Ai kishte parashikuar saktë 60% të ndeshjeve të grupeve dhe më e rëndësishmja 14 nga 16 skuadrat që dolën nga grupet në rendin e duhur”.

“Katar 2022”/ Jérémie Peloso, parashikimet e të

Po çfarë i jep Francës tani? “Skuadra e Didier Deschamps nuk do ta ngrejë trofeun për herë të dytë radhazi. Është relativisht e vështirë për një ekip që fiton Kupën e Botës të performojë mirë në atë të radhës. Prandaj u vlerësua, bazuar në përvojën e kaluar, se performanca e ekipit francez në çdo ndeshje do të pengohej me 30% për shkak të mallkimit të fituesit. Si rezultat, Franca doli e dyta në grupin e saj pas Danimarkës dhe humbi nga Argjentina në raundin e 16-të”.

“Katar 2022”/ Jérémie Peloso, parashikimet e të

Po për kë të vëmë bast atëherë? “Për këtë edicion, variablat u japin sulmuesve avantazhin në ndeshjet me eliminim direkt. Kemi rikthimin e numrit ‘9’, gjë që nuk ishte në vitet 2010 dhe 2014. Fitore ndaj Brazilit në gjysmëfinale dhe Argjentina fiton Kupën e Botës, pas një ndeshjeje të ngushtë ndaj Portugalisë. Analiza jonë nuk është bërë për bast. Tani, nëse njerëzit duan të frymëzohen prej tij dhe duke pasur parasysh ato që tregojnë kuotat e kompanive të basteve, Portugalia duket skuadra e duhur për të vënë bast”.

“Katar 2022”/ Jérémie Peloso, parashikimet e të

B.T (Dosja.al)

Sondazh

Poll

MË SHUMË