Politike

Berisha-Kim: PD nuk pranon të shkelmohet, betejë për jetë a vdekje!

Kreu i PD-së tha ndër të tjera se në sfond tashmë ka dalë Opozita e vërtetë, e cila sipas tij është në betejë për 'jetë a vdekje'.

17 Nëntor 2022, 21:55 Nga F.M
Berisha-Kim: PD nuk pranon të shkelmohet, betejë për jetë a
Sali Berisha

TIRANË- Kryedemokrati Sali Berisha ka komentuar sërish qëndrimet e ambasadores së Shteteve të Bashkuara të Amerikës në Tiranë, Yuri Kim. I ftuar në 'TPZ', Berisha tha se nëse nuk e njeh atë, tregon që nuk njeh votën dhe shumicën që e ka votuar. Kreu i PD-së tha ndër të tjera se në sfond tashmë ka dalë Opozita e vërtetë, e cila sipas tij është në betejë për 'jetë a vdekje'.

Pjesë nga deklarata e Berishës: 

Së pari jam dakord, është një problem themelor për shoqërinë shqiptare, jo vetëm për Partinë Demokratike. Cili është thelbi i këtij problemi? Thelbi ishte asgjësimi i opozitës.  Gjatë këtyre nëntë muajve, është arritur që opozita të ngrihet në këmbë, të ishte ajo që patë në 12 nëntor, por nga ana tjetër, Edi Rama vijon përpjekjet më kriminale pasi ka vendosur monizmin absolut në Shqipëri, kërkon të asgjësojë edhe opozitën. Ka sjellë opozitën e vërtetë para një betejë për jetë a vdekje. Është betejë për jetë a vdekje e opozitës shqiptare. Është shumë e vërtetë, që gjithcka u bë në këto zhvillime që tejkalojnë çdo lloj imagjinate në romane, u bë për të patur një pseudo opozitë në funksion të Edi Ramës. Në funksion janë qëndrimet aparimore, korruptive, të zonjës Yuri Kim, e cila i lejon vetes të thotë nuk njoh votën, nuk njoh vullnetin e shumicës dhe e bën këtë jo sepse Amerika nuk është e principeve, është e parimeve, por ka një George Soros në mes, që kur të nxjerrin jashtë qeverie, siç ka bërë me paraardhësin e saj, lobon me dhjetë milionë për ty dhe të rikthen ambasador. Ne nuk e ndryshojmë Amerikën, por cfarë bëjmë ne? Me vendosmëri absolute unë luftoj që shqiptarët të kenë opozitë. Edi Rama nuk heq dorë, ju njihni shumë por askush nuk njeh sa unë ligësitë e tij të pafundme. Edi Rama publikisht kërkon ti marrë flamurin opozitës. Këtu ka një njeri, Edi Rama, ndaj dhe PD do të merret vetëm me Edi Ramën. Partia Demokratike ka një problem fondamental për të zgjidhur. Do të pranoj ajo të shkelmohet, apo do ti qëndrojë këtij dhëmbë për dhëmbë dhe në mënyrën më të merituar? Jam për variantin e dytë

sali berisha

Sondazh

Poll

MË SHUMË