Sport

Presidenti Macron për Kupën e Botës: "Nuk duhet ta politizojmë sportin"...

Presidenti francez Emmanuel Macron tha të enjten, se sporti nuk duhet të "politizohet", pasi Kupa e Botës FIFA në Katar vazhdon të debatohet disa ditë përpara se të nisë.

17 Nëntor 2022, 12:13 Nga DOSJA

 

Presidenti Macron për Kupën e Botës: "Nuk duhet ta

TAJLANDE - “Mendoj se nuk duhet ta politizojmë sportin. Këto pyetje, duhet t'i bëni vetes kur t'ia atribuoni ngjarjen,"- tha Emmanuel Macron, presidenti i Republikës Franceze, të enjten, kur u njoftua se ai do të ishte në Katar, nëse blutë do të arrinin në gjysmëfinale,  ose në finale.

Kështu përforcon pozicionin e FIFA-s, e cila u kërkoi pjesëmarrësve në Kupën e Botës që të fokusohen në futboll. “Ju lutemi, mos lejoni që futbolli të tërhiqet në të gjitha betejat ideologjike apo politike që ekzistojnë”,- ka shkruar presidenti Gianni Infantino në një letër.

Kupa e parë botërore, e organizuar ndonjëherë në botën arabe, e cila fillon të dielën, ka ndezur disa polemika, po aq sa për kushtet e jetesës së punëtorëve vendas, ndikimin në mjedisin e stadiumeve me ajër të kondicionuar dhe vendin e grave dhe minoriteteve LGBTQ +. Këto kritika bënë që disa tifozë, veçanërisht nga Europa Perëndimore, të cilët kanë kërkuar të bojkotojnë Botërorin.

Nga Bangkoku, kryeqyteti i Tajlandës, Emmanuel Macron këmbënguli në faktin se "ishte një ide shumë e keqe politizimi i sportit",- duke kujtuar se Parisi do të organizonte Lojërat Olimpike në 2024. Ai kishte shkuar në Rusi në 2018 për të marrë pjesë në finalen e fituar nga francezët kundër kroatëve. Tre vjet e gjysmë më vonë, Rusia i shpalli luftë Ukrainës dhe pushtoi një pjesë të territorit të saj.

Përveç kësaj, presidenti tha gjithashtu se ishte kundër bojkotit. “Unë nuk jam për bojkotimin e Kupës së Botës. Këto pyetje duhen bërë më parë, kur të jepen lojërat, apo garat”, tha ai para të rinjve të gjimnazit francez, të mbledhur në një stadium tajlandez të boksit në kryeqytet. "Është mirë" që Katari të organizojë Kupën e Botës, sepse konkurrenca "i ka bërë gjërat të shndërrohen në reforma”,- këmbënguli ai.

B.T (Dosja.al)

Sondazh

Poll

MË SHUMË