Sport

Manchester United-Ronaldo ‘divorci’ në janar, Bayern dhe Chelsea në pritje…

CR7 dhe agjenti i tij janë takuar javën e shkuar me bavarezët. Edhe londinezët mund të kthehen në garë për yllin portugez

15 Nëntor 2022, 12:20 Nga DOSJA

Manchester United-Ronaldo ‘divorci’ në janar, Bayern dhe

ANGLI - Manchester United po mendon të largojë Cristiano Ronaldon pas deklaratave tronditëse të portugezit për klubin dhe trajnerin Ten Hag. “Djajtë e Kuq”, pas deklaratës së butë të lëshuar dje, po vlerësojnë marzhet ligjore për të shqyer kontratën e Ronaldos për një arsye të drejtë, që do të justifikohej me deklarata e denigruese ndaj trajnerit dhe klubit. Ndërkohë, CR7 dhe agjenti kanë takuar drejtuesit e Bayern Munich javën e kaluar për një transferim në janar. Chelsea gjithashtu mund të kthehet në skenë për të rrëmbyer portugezin.

Në janar, rrugët e Ronaldos dhe Manchester United do të ndahen. Fjalët e CR7 janë tepër të rënda, akuza që nuk lënë asnjë fije pajtimi. Cila është e ardhmja për Cristiano Ronaldon? Pyetja është gati të kthehet në një frazë që do të na shoqërojë gjatë gjithë Kupës së Botës dhe deri në merkaton e transferimeve dimërore.

“Daily Mail” zbulon një takim javën e kaluar mes agjentit Mendes, futbollistit dhe drejtuesve të Bayern Munichut, që kishte qenë një nga klubet, së bashku me Chelsea, PSG, Napoli dhe Sporting, të cilëve agjenti i fuqishëm gjatë verës së kaluar u kishte testoni ujërat. 

Në atë kohë, presidenti Oliver Kahn dhe drejtori sportiv Hasan Salihamidzic deklaruan se blerja e Ronaldos nuk ishte në filozofinë e klubit, por një reflektim i ri brenda klubit gjerman mund të bëhet në javët në vijim, edhe në dritën e kushteve kur Sadio Mané është dëmtuar. 

Synimi i Ronaldos është të luajë gjysmën e dytë të sezonit në një klub që luan në Champions League. Megjithatë, hipoteza e Chelseas gjithashtu mbetet e vlefshme, falë marrëdhënieve të mira mes Mendes dhe pronarit të bluve, Todd Boehly. Megjithatë, si Tuchel në verë, as trajneri i ri Potter nuk duket entuziast për këtë ide. Uluni në divan dhe bëhuni gati për të shijuar një tjetër telenovelë, ku Cristiano Ronaldo është personazhi kryesor...

B.T (Dosja.al)

Sondazh

Poll

MË SHUMË