Sport

Haaland nuk shkon në Kupën e Botës, klubi i kategorisë së shtatë ofertë zyrtare: "E duam në huazim për 28 ditë"

Lojtarë të mëdhenj do të mungojnë në Botërorin e Katar 2022. Norvegjia, ku bën pjesë Erling Haaland nuk u kualifikua dhe sulmuesi i Manchester City-t do e shohë këtë kompeticion në Marbella, në një klimë të butë për të ngarkuar bateritë.

14 Nëntor 2022, 20:01 Nga DOSJA

Haaland nuk shkon në Kupën e Botës, klubi i kategorisë

ANGLI- Lojtarë të mëdhenj do të mungojnë në Botërorin e Katar 2022. Norvegjia, ku bën pjesë Erling Haaland nuk u kualifikua dhe sulmuesi i Manchester City-t do e shohë këtë kompeticion në Marbella, në një klimë të butë për të ngarkuar bateritë. Haaland tani do të jetë i lirë nga angazhimet derisa të rifillojë stërvitjen me City-n, megjithatë një ofertë zyrtare ka ardhur nga një klubi anglez i kategorisë së shtatë si Ashton United, që ka kërkuar Haaland në formën e huazimit.

"Mund të konfirmojmë se është bërë një ofertë për Erling Haaland", ishte njoftimi i klubit anglez. Kërkesa ka të bëjë me një huazim 28-ditore. Trajneri Michael Clegg shpjegoi: "Kjo ka kuptim. City nuk po luan dhe ne duam të ndihmojmë duke e mbajtur Erling në formë, ka më shumë kuptim sesa ta bëjmë atë të luajë golf për gjashtë javë. Ne mendojmë se do të jetë perfekt për ne dhe do të përshtatet shumë mirë me lojën.”

E.Ç (Dosja.al)

haaland manchester city

Sondazh

Poll

MË SHUMË