Aktualitet

Si u zbuluan 8 dynym sera me kanabis në Berat, telefonata e punonjëses: Kam frikë, jam sëmurë nga era e drogës

Një nga gratë që punonte në këto sera, kishte fshehur celularin dhe komunikonte me familjen e saj. Ajo u është shprehur atyre se ndihej e frikësuar dhe e sëmurë nga ajri në ambientin ku po punonte.

13 Nëntor 2022, 13:36 Nga A.B
Si u zbuluan 8 dynym sera me kanabis në Berat, telefonata e
Grate e ndaluara

BERAT- Një nga punëtoret e fermës së kanabisit në fshatin Dronovicë në Berat, ka qënë ajo e cila ka zbuluar serën ku kultivohej droga, që çoi më pas në arrestimin e 11 personave si dhe në sekuestrimin e 870 kg kanabis.

Një nga gratë që punonte në këto sera, kishte fshehur celularin dhe komunikonte me familjen e saj. Ajo u është shprehur atyre se ndihej e frikësuar dhe e sëmurë nga ajri në ambientin ku po punonte. Kjo deklaratë e saj mendohet se ka qenë burimi kryesor, pasi një i afërmi i saj punonte në polici dhe filloi që të hetojë në lidhje me punësimin e kushërirës së tij. Pas gjetjes së vendit, në sera u infiltrua një person mes grupit punëtoreve.

Nga ana tjetër të arrestuarit u lanë ditën e sotme në arrest me burg. 

Punëtoret zakonisht flinin aty dhe nuk shkonin në banesë. I gjithë aktiviteti i ditës kryhej në serë ku përpunohej kanabis. Punëtoret paguheshin rreth 50 mijë Lekë të vjetra në ditë.

ferma e kanabisit ne berat

Sondazh

Poll

MË SHUMË