Aktualitet

DETAJE/ Serat e kanabisit në Berat, mes 11 të arrestuarve dhe një familje nga Nikla me lidhje me 'kokat e krimit'

Po kështu mësohet se ata ishin dhe organizatorët dhe mbikëqyrsit e aktivitetit kriminal ndërkohë që dyshohet se ata kanë lidhje dhe me 'kokat e krimit' në fshatin Nikël të Fushë Krujës, emrat e të cilëve nuk janë bërë të ditur. 

11 Nëntor 2022, 14:01 Nga e.k
DETAJE/ Serat e kanabisit në Berat, mes 11 të arrestuarve dhe një
Pamje nga droga e sekuestruar

BERAT- Detaje të reja kanë dalë në dritë nga operacioni anti-drogë në njësinë Kutalli të Beratit ku Policia zbuloi dhe fermën e kanabisit. Sipas informacioneve nga prokuroria e Beratit bëjnë me dije se, dy gratë e arrestuara mes 11 të arrestuarve janë nënë e bijë nga fshati Nikël i Fushë-Krujës, ndërkohë që dy prej burrave të arrestuar janë bashkëshortët e tyre.

Po kështu mësohet se ata ishin dhe organizatorët dhe mbikëqyrsit e aktivitetit kriminal ndërkohë që dyshohet se ata kanë lidhje dhe me 'kokat e krimit' në fshatin Nikël të Fushë Krujës, emrat e të cilëve nuk janë bërë të ditur.  Po kështu mes të arrestuarve është edhe pronari i serës, Hamit Dyli (i njohur në fshat si Xhimi Dyli), i cili edhe pse ka deklaruar në polici se serën e kishte lënë me qira dhe nuk ishte në dijeni të aktivitetit që kryhej brenda saj, u kap nga policia brenda ambienteve të serës. 

Ferma e kanabisit u zbulua një ditë më parë pas një aksioni të Policisë. Deri më tani 105 persona kanë përfunduar në pranga, mes tyre 80 gra. Gratë që ishin punësuar në fermën e kanabisit janë kapur në flagrancë teksa po pastronin lëndën narkotike. Lënda narkotike prej 800 kilogramësh ishte mbjellë në një sipërfaqe prej 2 hektarësh dhe serat ku ndodhej kanabisi kanë qenë ngjitur me serat e domateve dhe perimeve të tjera të mbjella brenda tyre. Ndërkohë paketimi i lëndës narkotike bëhej po brenda fermës nga gratë e punësuara.

operacion antidroge ne berat

Sondazh

Poll

MË SHUMË