Politike

Fjalor fyes i Ramës/ Xhafaj e kritikon në Kuvend: Legjislaturë shpërfillëse, retorikë e turpshme dhe ordinere, këtu ka një frymë negative

Ish-ministri i Brendshëm Xhafaj komentoi edhe prononcimet e kryedemnokratit Sali Berisha dhe Kreut të Partisë së Lirisë Ilir Meta për mediat britanike.

10 Nëntor 2022, 11:54 Nga F.M
Fjalor fyes i Ramës/ Xhafaj e kritikon në Kuvend: Legjislaturë
Fatmir Xhafaj

TIRANË- Deputeti i Partisë Socialiste Fatmir Xhafaj ka kritikuar të tijët në Kuvendin e Shqipërisë. Nga foltorja e Kuvendit, Xhafaj komentoi 'lumin e ofendimeve' që kryeministri Edi Rama këshoi një ditë më parë kundrejt Opozitës. Socialisti tha se frymën e debatit në Kuvend e ka zëvendësuar retorika e turpshme dhe fjalori ordiner. Ai tha se në kuvend ka një frymë negative dhe se kjo lloj qasjeje e ka normalizuar luftën politike përmes ofendimeve. Ish-ministri i Brendshëm Xhafaj komentoi edhe prononcimet e kryedemokratit Sali Berisha dhe Kreut të Partisë së Lirisë Ilir Meta për mediat britanike. Socialistit u shpreh se e vetmja gjë që arrihet duke e konsideruar Shqipërinë si vendin e '1 mijë të të këqijave', është ndëshkimi i ëndrrave të të rinjve. 

"Një legjislaturë shpërfillëse më e dobët se kurrë. Fryma e debatit normal, konsensusit politik, etikës poltike, është zëvendësuar nga konflikti i ashpër politik i ndërtuar mbi batutën fyese, shprehjet përcmuese e jo rrallë ordinere, gjuhën e baltës dhe shpifjes. Kjo lloj qasje është shndërruar në normalitet e instrument i të ashtuquajturës luftë politike. Kjo retorikë e turpshme ka dalë jashtë kësaj salle në gjuhë të huaja, në mediat e botës, ku Shqipëria po shënjohet si vendi i 1 mijë të këqijave. Ne me këtë lloj qasjeje po u japim ëndrrave një ndëshkim më të madh. Dëm më të madh nuk mund t’i bëhet imazhit të vendit e sidomos mijëra shqitparëve që po enden dyerve të botës për një jetë më të mirë,"- tha Xhafaj. 

fatmir xhafaj

Sondazh

Poll

MË SHUMË