Siç ndodhi me polakët, më pas bullgarët dhe rumunët, të cilët u akuzuan se emigruan për të vjedhur punë. Por njerëzit nga vendi i vogël ballkanik tani janë bërë 'koka turku" për dështimet e qeverisë.
BRITANI E MADHE- Shqiptarët që jetojnë dhe punojnë në Britani po ndihen edhe më 'të padëshiruar' pas deklaratës së Suella Braverman për 'pushtim'. Siç ndodhi me polakët, më pas bullgarët dhe rumunët, të cilët u akuzuan se emigruan për të vjedhur punë. Por njerëzit nga vendi i vogël ballkanik tani janë bërë 'koka turku" për dështimet e qeverisë. Dr. Andi Hoxhaj, një lektor i drejtësisë në University College London, tha se shqiptarët po përballen me rritje alarmante të armiqësisë dhe ksenofobisë.
34-vjeçari tha për Metro.co.uk se njerëzit shpesh e 'paragjykojnë', duke supozuar se ai është pjesë e 'një biznesi të dyshimtë droge' për shkak të vendit të tij të origjinës. Ai shtoi: Kur njerëzit të njohin, gjithçka është në rregull, por sa herë që del në pah problemi i krimit të organizuar shqiptar, gjithmonë ka komente negative. Për shembull, kur punoja në Universitetin Warwick, afër Birminghamit, kishte shumë raportime mbi lajmet për krimin e organizuar shqiptar. Njerëzit atje më shikonin me dyshim.
Si shumë emigrantë, Dr. Hoxhaj u shpërngul në MB në vitin 2004 për të ndjekur arsimin e lartë, dhe më vonë vendosi të vendoset në Angli, e sipas Zyrës Kombëtare të Statistikave, ai është një nga vetëm 47,000 shqiptarët në vend. Këtë vit, ai u zhvendos nga Birmingham në Londër, ku incidentet e ksenofobisë janë më pak të zakonshme, të paktën për të.
Por komentet e javës së kaluar nga sekretari i brendshëm dhe deputeti konservator James Daly, e lanë atë të shqetësuar për të ardhmen e bashkëqytetarëve të tij. Korrupsioni është bërë pengesa më e madhe e Shqipërisë, e Dr. Hoxhaj theksoi se një 'demonizim' i tillë i shqiptarëve ka bërë që njerëzit në komunitetin e tij të ndihen të 'shënjestruar'.
“Me politikanë që bëjnë komente të tilla për shqiptarët, njerëzit në komunitet ndjehen keq. Fqinjët tanë dhe njerëzit me të cilët ndërveprojmë na kanë frikë, veçanërisht frikësohen nga shqiptarët që punojnë si ndërtues."
Madje shtoi se fqinjët thirrën Policinë për miqtë e tij, të cilët po vendosnin skela, për 'veprimtari të dyshimta' sepse janë shqiptarë. Pedagogu theksoi se ky është 'vetëm një shembull' i ksenofobisë me të cilën përballen njerëzit në përditshmëri, duke shtuar: Ka edhe vërejtje të rastësishme. Kohët e fundit kam dëgjuar studentë duke u tallur me një çift shokësh të klasës që ishin nga Shqipëria. Ata po i pyesnin nëse ndodheshin në Britaninë e Madhe për t'u përfshirë në rrjetet e drogës. Këto janë vetëm disa nga qëndrimet. Sapo njerëzit të mësojnë se je shqiptar, nuk shikohesh si favorizues. Një pjesë e kësaj ksenofobie i ka rrënjët në Brexit. Të dy kampet Leave dhe Remain përdorën Shqipërinë si një argument negativ, kështu që shumë njerëz tani e lidhin vendin me këtë fenomen.
Disa vjet më parë, Dr Hoxhaj mbajti një seminar në universitetin e tij, duke pyetur studentët pse Britania e Madhe u largua nga BE, e shumë ua vinin fajin shqiptarëve.
"Ashtu siç e thanë, ishte e qëllimshme. Unë u thashë e u ankova tek eprorët e mi për këtë, por ata thjesht u përgjigjën me "studentët janë studentë". Ka pasur edhe raste kur kolegët e mi vunë në dyshim autoritetin tim, sepse unë vij nga një vend jashtë BE-së. Madje disa më thanë; pse nuk kthehesh në vendin tënd? Kjo më bëri të ndihem jo rehat. Njerëzit më paragjykonin vetëm sepse vij nga Shqipëria. Ata menduan se nuk isha mjaftueshëm i mirë për të punuar atje dhe se duhet të isha mirënjohës që më dhanë punën. Kjo vlen për përvojën e përgjithshme të emigrantëve, jo vetëm të shqiptarëve. Emigrantët nuk kanë të njëjtat mundësi e nuk marrin ngritje në detyrë. Ka gjithmonë një standard të dyfishtë. Edhe kolegët nga komunitetet e tjera kanë ndarë përvoja të ngjashme me mua."
Shqiptarja Megi Adamou pajtohet se diskriminimi ndaj emigrantëve është në rritje. 44-vjeçarja u transferua në Londër në vitin 2018 pasi u takua me bashkëshortin e saj në Shqipëri. Duke qenë vullnetare për Kishën Harmony në Londër, e cila kryesisht kujdeset për shqiptarët, ajo dëgjon për incidentet ksenofobie në dorën e parë. Adamou tregoi se si djali 16-vjeçar i shoqes së saj u cilësua si 'kriminel' në shkollë vetëm për faktin se ishte shqiptar pas retorikës në Commons për emigrantët.
"Ndihem shumë e diskriminuar. Unë punoj me një pjesë të madhe të komunitetit shqiptar në Londër. Kam miq që janë profesorë universiteti, pedagogë, arkitektë dhe dirigjentë dhe të gjithë ne trajtohemi si kriminelë. Para se të vija në Mbretërinë e Bashkuar për të jetuar, më duhej të paguaja rreth 2500 £ për të përdorur NHS-në, të cilën tani e bëj çdo 2 vjet. E dua dhe e respektoj këtë vend. Por nuk është aspak mirë të na trajtosh kështu. Është e pabesueshme. Unë jetoj në transparencë dhe ndershmëri dhe nuk e kuptoj pse duhet të paguaj çmimin për krimet e dikujt tjetër vetëm sepse janë nga vendi im."
Sipas Zyrës së Brendshme, më shumë se 11,500 shqiptarë kanë hyrë 'ilegalisht' në MB nëpërmjet varkave të vogla, që përfaqëson 35% të totalit të mbërritjeve të varkave të vogla deri më sot këtë vit. Një zëdhënës i qeverisë nuk komentoi gjuhën e urrejtjes së përdorur nga politikanët konservatorë, ose se si mund të ketë ndikuar ajo te emigrantët që jetojnë në Britaninë e Madhe./ metro.co.uk
Emigrante BRITANI- Nuk kanë fund artikujt për emigrantët shqiptarë. Sot, media britanike 'DailyMail' i ka kushtuar një shkrim itin...
Foto ilustruese BRITANI E MADHE- Sekretarja e Brendshme Suella Braverman i quajti disa prej emigrantëve që shkojnë në Angli, “kr...
Foto ilustruese TIRANË- Operacioni i zhvilluar sot në bashkëpunim mes policisë shqiptare dhe asaj spanjolle, pas Elbasanit dhe Vlo...
TIRANË- Nëse diku nëpër rrugë të ndodh të shohësh ndonjë karrocier me kuaj, skena të përngjan me nj&eum...
Foto ilustruese Më 13 qershor 2017, dy persona u filmuan me një telefon celular teksa po negocionin një çmim për një proce...
TIRANË- Ministria e Shëndetësisë ka publikuar të dhënat e fundit mbi situatën me Covid-19 në vend, ku sërish nuk ...
Pamje nga aksioni TIRANË- Forcat speciale RENEA kanë zhvilluar një stërvitje të përbashkët me njësinë “G...
Ministria e Arsimit TIRANË- Studentët kërkuan 100 € në muaj mbështetje ekonomike nga qeveria për shkak të rritjes s...
Sherri masiv tek Oxhaku TIRANË- Një sherr masiv ka ndodhur mes disa të rinjëve në zonën e njohur si "Oxhaku" në Tiran&eu...
Artan Hoxha TIRANË- Gazetari Artan Hoxha dha detaje nga aktiviteti i grupeve kriminale shqiptare në trafikun e drogërave të forta prej...