Sport

VIDEO/ Derbi andaluz mes Betis dhe Sevilla pa fitues, por me 3 të përjashtuar...

Në derbin i së dielës pati gjithçka dhe nuk ishte përjashtim nga rregulli. Jesus Navas hapi rezultatin, përpara se Gudelj t'i ofronte ekipit të tij një barazim 1-1 në fund të ndeshjes.

7 Nëntor 2022, 07:06 Nga DOSJA

VIDEO/ Derbi andaluz mes Betis dhe Sevilla pa fitues, por me 3 të

SPANJE - Derbet e Sevilles janë shpërthyes dhe ky i së dielës nuk ishte përjashtim nga rregulli. Tifozët e zjarrtë të stadiumit ‘Benito-Villamarin’ të Betisit, patën të drejtën e një takimi shumë të hapur dhe mbi të gjitha të pasur me emocione. Megjithë mundësitë e shumta dhe sidomos humbjet e mëdha, takimi u zhbllokua vërtet pas gjysmë ore lojë me përjashtimin e Montielit.  Argjentinasi u largua me karton të kuq nga fusha për një ndërhyrje në gju (38’).

Në epërsi numerike, Betis shfrytëzoi rastin për të hapur rezultatin. Në një gjuajtje bilardo, i gjori Jesus Navas (43’), i cili sapo ishte futur në lojë, pa topin të kërcente nga kofsha e tij dhe të përfundonte në rrjetë, duke shkaktuar autogol.

Por vetëm pak minuta më vonë, ishte Betis që e gjeti veten me 10 lojtarë. Fekir, për të mbrojtur një top, goditi me bërryl dhe gjyqtari pasi pa VAR, vendosi ta përjashtojë francezin (45’+3). Një përjashtim i rëndë për Betisin, por që i ktheu dy skuadrat në dhomat e zhveshjes me 10 kundër 10.

VIDEO/ Derbi andaluz mes Betis dhe Sevilla pa fitues, por me 3 të

Intensiteti nuk ra pas pushimit dhe ka qenë Borja Iglesias ai që e ka pësuar. Sulmuesi i Betisit, i pamësuar me punën në mbrojtje, u përjashtua me karton të kuq për një ndërhyrje absolutisht të pakontrolluar (49’). Me 10 kundër 9, Sevilla theu dhëmbët për një kohë të gjatë në mbrojtjen heroike të Betisit.

Por një vepër individuale e Nemanja Gudelj (82’), e ndryshoi situatën. Mbrojtësi serb gjuajti pastër nga 25 metra, duke shënuar golin e barazimit 1-1. Me këtë rezultat, lojtarët e Sevillas së Jorge Sampaolit dalin nga zona e rënies dhe ngjiten në vendin e 17-të. Ndërkohë Betis nuk u ngjit në podium dhe mbetet i katërti, me të njëjtin numër pikësh si Atlético.

B.T (Dosja.al)

Sondazh

Poll

MË SHUMË